لوک عدالت سے استفادہ کرنے نارائن پیٹ پولیس سرکل انسپکٹر روی بابو کا عوام کو مشورہ

نارائن پیٹ: 07 جون (اردو لیکس) لوک عدالت ان فریقوں کے لئے ایک نعمت ہے جو مقدمات کے نام پر برسوں عدالتوں کے چکر لگاتے رہتے ہیں۔سی آئی روی بابو نے آج صحافت کو جاری کردہ اپنے ایک بیان میں کہا کہ لوک عدالت کے ذریعہ جج حل دکھائیں گے تاکہ انصاف ہو سکے۔ ایسے معاملات میں جو قانون کے تحت سمجھوتہ کے مستحق ہیں ایک پیسہ خرچ کیے بغیر منصفانہ سمجھوتہ کیا جائے گا ۔

سی آئی روی بابو نے لوگوں سے اپیل کی کہ وہ 10 جون تک لوک عدالت میں کسی بھی کیس کو حل کریں۔ انہوں نے یقین دہانی کی کہ اگر لوک عدالت میں ایک بار کیس کا فیصلہ ہو جاتا ہے تو پھر اسی کیس کو لے کر عدالت کے سیڑھیاں چڑھنے کی ضرورت نہیں ہے اور لوک عدالت کی مقبولیت میں روز بروز اضافہ ہوتا جا رہا ہے، اور سب کے لیے بہتر ہے کہ وہ سمجھوتہ کا راستہ اختیار کریں۔ .