سعودی عرب نے ہندوستان سمیت 12 ممالک کے شہریوں کا سوڈان سے انخلا آپریشن مکمل کرلیا
ریاض ۔ کے این واصف
سوڈان میں پھیلی بد امنی کے چلتے وہاں مقیم ہندوستانی سمیت دیگر غیر ملکی باشندے سوڈان سے نکلنے کے لئے شدید خوف اور پریشانی کے عالم میں تھے۔ سعودی عرب نے ان کے انخلا کی پہل کی اور انخلا کا کامیاب آپریشن انجام دیا۔ اس سلسلہ میں خرطوم میں متعین سعودی سفیر علی بن حسن جعفر نے کہا ہے کہ سوڈان سے سعودیوں سمیت بارہ برادر اور دوست ممالک کے شہریوں کے انخلاکا آپریشن مکمل کرلیا گیا۔
الاخباریہ چینل سے گفتگو کرتے ہوئے جعفر نے کہا کہ تمام تر بدامنی کے باوجود سعودیوں اور خلیج نیز دوست ممالک کے شہریوں کو سوڈان سے بحفاظت نکالنے میں کامیاب ہوگئے۔ 158 افراد کے انخلا کا آپریشن منطقی انجام کو پہنچ گیا۔
سعودی خبررساں ادارے ایس پی اے کے مطابق سعودی دفتر خارجہ نے کہا ہے کہ اعلی قیادت کی ہدایت پر عمل کرتے ہوئے انخلا آپریشن پورا ہوگیا۔ الحمد للہ ہمارے تمام شہری سوڈان سے جدہ پہنچ گئے ہیں۔ سوڈان سے نکالے جانے والے شہریوں میں برادر و دوست ممالک کے باشندے بھی شامل ہیں۔ سفارتکار اور بین الاقوامی عہدیداروں کو بھی انخلا آپریشن کے تحت نکالا گیا ہے۔ اس سلسلے میں سعودی بحریہ اور فضائیہ نے بھی اپنا کردارادا کیا۔
سوڈان سے ہندوستان، پاکستان، بنگلہ دیش، کویت، قطر، امارات، مصر، تیونس، بلغاریہ، فلپائن، کینیڈا اور بارکینا فاسو کے شہریوں کا انخلا عمل میں لایا گیا ہے۔ سعودی عرب نے غیر ملکی شہریوں کو تمام بنیادی سہولیا ت فراہم کردی ہیں انہیں جدہ کے ہوٹلوں میں ٹھہرایا گیا ہے۔سعودی بحریہ کے کمانڈر میجر جنرل یحیی العسیری نے کہا کہ سوڈان سے تمام سعودیوں اور برادر و دوست ممالک کے شہریوں کا انخلا مکمل کرلیا گیا۔
Visuals from Saudi Media show evacuees from Sudan being welcomed in Jeddah. India has been in touch with Saudi Arabia as well. EAM Jaishankar had spoken to Saudi FM a few days ago & Indian ambassador to Saudi @SuhelAKhanIFS was present in PM's Sudan meet.pic.twitter.com/uF8Ug4V2hv
— Sidhant Sibal (@sidhant) April 22, 2023
