June 19, 2018

تلنگانہ کے طالب علم نے ایمبولنس میں لکھا امتحان

نظام آباد 10 مارچ/ تلنگانہ کے ضلع نظام آباد سے تعلق رکھنے والے طالب علم نے ایمبولنس میں انٹرمیڈیٹ امتحان تحریر کیا۔ترون نامی طالب علم کے والد نے بتایا کہ مند ر سے واپسی کے دوران سڑک حادثہ میں ترون زخمی ہوگیااور اس کے پیر میں فریکچر آگیا تھا ۔ایک پرائیویٹ اسپتال میں اس کا آپریشن کیاگیا ۔ترون کے والد نے انٹرمیڈیٹ بورڈ کے عہدیداروں کی منظوری کے بعد ایک پرائیویٹ ایمبولنس کا انتظام کیا تاکہ ان کا بیٹا اس ایمبولنس میں امتحان تحریر کرسکے۔اس طرح اپنے بیٹے کو روزانہ امتحانی مرکز کے قریب ایمبولنس میں انٹرامتحان لکھنے کی اجازت ملنے پر اس کے والد نے مسرت کا اظہار کیا۔انہوں نے میڈیاسے بات کرتے ہوئے بتایا کہ لڑکے کا ایک سال ضائع ہونے کا خطرہ تھا ، اسی لئے بورڈ سے خواہش کی گئی کہ ایمبولنس میں اس کو امتحان تحریر کرنے کی اجازت دی جائے۔

Post source : Urduleaks news network