November 21, 2018

تلنگانہ اقلیتی اقامتی اسکول یاقوت پورہ میں نعیم جاوید کا لیکچر

تلنگانہ اقلیتی اقامتی اسکول یاقوت پورہ میں نعیم جاوید کا لیکچر

حیدرآباد 6 نومبر (ای میل)طالب علم، علم کے حصول کے سلسلہ میں سنجیدگی اختیار کریں اور اپنی زندگی کے مقصد کا تعین کرتے ہوئے مصم ارادہ اور پکے عزم کے ساتھ آگے بڑھیں ،ذہن میں بہت سے منفی خیالات پیدا ہوتے رہتے ہیں طلبہ ان خیالات کی پرواہ کیے بغیر منزل کی جانب گامزن ہوں تاکہ مقصد کاحصول ممکن ہوں ان خیالات کا اظہارممتازٹرینرجناب نعیم جاوید چیرمین ہیومن ابیلٹی ڈیولپمنٹ اینڈاڈونسمنٹ فاونڈیشن نے تلنگانہ اقلیتی اقامتی اسکول یاقوت پورہ (ذکور)1میں منعقدہ گیسٹ لیکچرار بعنوان ’’شخصیت کا ارتقاء‘‘ سے کیا انہوں نے مزید کہا کہ طلبہ کی فکر میں تہراوآنا چاہیئے ۔ ذہن میں خیالات بہت آتے رہتے ہیں کسی ایک خیال کو تھام کر آگے بڑھتے رہنا چاہئے ،منزل کی راہ میں پریشانیاں بہت آئیں گی ،مستقبل کی سوچ کے دباؤ میں کوئی کام نہ کریں بلکہ حال کو بہتر بنانے کی فکر کریں مستقبل خود بخود سنوار جائے گا،صلاحیتوں کو بہتر بنانے میں مگن رہیں اپنے اندر قابلیت پیدا کریں قابلیت کی بنیاد پر ترقی خود بخود حاصل ہوگی۔ انہوں آخر میں طلبہ کو مشورہ دیا کہ اپنے اخلاق و کردار ،رویہ کو بہتر بنائیں تاکہ مثالی طالب علم کہلائیں جائے،طالب علم ہمیشہ مثبت فکر کو لیکر آگے بڑھیں منفی سوچ کو قریب آنے نادیں،اچھی عادات اختیار کرتے ہوئے اپنا اور اپنے والدین، اساتذہ کا نام روشن کریں۔قبل ازیں ڈاکٹر عزیز سہیل نے جناب نعیم جاوید کا مکمل تعارف پیش کیا، اکیڈیمک کواڈینٹرمنزہ میمونہ نے لیکچر کے انعقاد کی غرض وغایت بیان کی اور نظامت کے فرائض انجام دئے۔اس پروگرام کے آغاز میں محمد ایان و محمد فرحان نے ترانہ ہندی پڑھا۔ اس موقع پر محترمہ شہنشاہ بیگم،بشری ٰ بیگم ،جناب فخر الدین نے بھی خطاب فرمایا۔

Post source : press note