December 13, 2018

بابری مسجد کی 26 ویں یوم شہادت

بابری مسجد کی 26 ویں یوم شہادت

نئی دہلی 6 دسمر/ بابری مسجد کی شہادت کو آج 26 برس مکمل ہوگئے۔ اس موقع پر ملک کی کئی ریاستوں میں مسلمانوں نے یوم سیاہ منایا، کاروباری ادارے بند رکھے گئے۔ ملک کی مختلف ریاستوں بشمول تلنگانہ,مہاراشٹرا وغیرہ سے ملی اطلاعات کے مطابق مسلمانوں نے پرامن بند منایا۔ رضاکارانہ طورپرکاروباری ادارے بند رکھے گئے۔ اقلیتی اسکولس کو تعطیل دے دی گئی۔ مساجد میں بابری مسجد کی دوبارہ اسی مقام پر تعمیر کے لئے دعائیں بھی کی گئیں۔ 6 ڈسمبر کے پیش نظر ملک بھر میں سخت صیانتی انتظامات کے گئے۔ ایودھیا میں پولیس نے ہائی الرٹ کا اعلان کیا۔ تلنگانہ کے دارالحکومت حیدرآباد میں احتیاطی اقدامات کے طورپر پولیس نے دفعہ 144 نافذ کردیا۔ ملک کی کئی ریاستوں میں مسلمانوں نے سرکاری دفاترسے رجوع ہوکر بابری مسجد کی تعمیر کا مطالبہ کرتے ہوئے یادداشتیں پیش کیں۔ واضح رہے کہ 6 ڈسمبر 1992 کو بابری مسجد کو شہید کردیا گیا تھا۔

Post source : Urduleaks news network