September 28, 2020

ہندوستان میں ایک ہی دن میں کورونا سے 51 ہزار 706 مریض صحت یاب

ہندوستان میں ایک ہی دن میں کورونا سے  51 ہزار 706 مریض صحت یاب

 

نئی دہلی05اگست( پی آئی بی)ہندوستان میں   گزشتہ  24  گھنٹے کے دوران کورونا کے 51706  مریض  صحت  یاب ہوئے ۔ایک ہی دن میں صحت یاب ہونے والے مریضوں کی یہ سب سے زیادہ تعداد ہے۔اس طرح ملک میں  کورونا سے  صحت یاب ہونے والے مریضوں کی تعداد میں  تیزی سے اضافہ ہورہا ہے جبکہ صحت یابی کی شرح بڑھ کر 67.19 تک  پہنچ گئی ہے اور ہر رو ز اس میں اضافہ  ہورہا ہے ۔صحت یاب ہونے والے لوگوں  کی  تعداد  زیر علاج مریضوں کی تعداد سے دوگنازیادہ ہے۔اب تک صحت یاب ہونے والے مریضوں کی تعداد  12  لاکھ 82 ہزار 215  ہوگئی ہے۔

          کورونا کے مریضوں  کے  شفا یاب ہونے کی تعداد میں اضافے کے ساتھ ہی پچھلے 14 دنوں میں  صحت یاب ہونے والے معاملوں  میں  63.8 فیصد کا اضافہ ہوا ہے ۔اس سے پتہ چلتا ہے کہ مرکز کی  جانچ  کرو شناخت کرواورعلاج کرو  کی حکمت عملی  کے خاطر خواہ نتائج برآمد ہورہے ہیں۔

WhatsApp Image 2020-08-05 at 12.25.29.jpeg

          سرکاری اور پرائیویٹ سیکٹروں  کی مشترکہ  کوششوں کی وجہ سے اسپتال کے بنیادی ڈھانچے کو مستحکم کرنے کے ساتھ جانچ کی  صلاحیت  نے صحت یابی کی  شرح میں اضافے کو یقینی بنایا ہے جس کے نتیجے  میں  پچھلے 14دنوں میں   یہ  بہتر ہوکر 63فیصد سے  بڑھ کر 67 فیصد ہوگئی ہے۔

WhatsApp Image 2020-08-05 at 12.25.28.jpeg

          صحت یابی میں  مسلسل اضافے کے ساتھ ہی کووڈ -19 کے زیر علاج مریضوں  اور صحت یاب ہونے والے مریضوں  کے درمیان فاصلہ تقریباََ 7لاکھ تک پہنچ گیا ہے۔روزانہ تیزی سے  صحت یابی کی تعداد میں اضافے کی  وجہ سے زیر علاج  مریضوں کی  تعداد گھٹ کر 586244  رہ گئی ہے۔کل یہ تعداد   586298 تھی ۔سبھی مریضوںکو طبی نگرانی میں رکھا جارہا ہے۔مرکز اور ریاست /  مرکز کے زیر انتظام علاقوں  کی سرکاروں  کی طرف سے جانچ کرو، پتہ لگاؤ اور علاج کرو کی حکمت عملی کے مربوط  نفاذ نے اس بات کو یقینی بنایا ہے کہ عالمی  صورتحال کے مقابلے میں شرح اموات کے معاملے( سی ایف آر)  کم ہوگئے ہیں اور یہ رفتہ رفتہ نیچے آرہیں  ہیں۔ آج  شرح اموات 2.09 فیصد پر آگئی ہے۔

          کووڈ-19 سے متعلق تکنیکی پوچھ تاچھ کو technicalquery.covid19@gov.inپر ارسال کیا جاسکتا ہے اور  دیگر پوچھ تاچھ ncov2019@gov.in and @CovidIndiaSeva . پر کی جاسکتی ہے۔

کووڈ-19 سے متعلق کسی بھی پوچھ تاچھ کے لیے براہ کرم صحت وکنبہ بہبود کی وزارت کی ہیلپ لائن نمبر +91-11-23978046 or 1075 (Toll-free). پر رابطہ قائم کریں۔

ریاستوں/ مرکز کے زیرانتظام علاقوں کی ہیلپ لائن کے نمبران، جن کا تعلق کووڈ-19 سے ہے، وہ درج ذیل ویب سائٹ پر دستیاب ہیں۔

  1. .

Post source : Pib