January 16, 2021

بھارت بائیوٹیک کا کویکسن ٹیکہ حیدرآباد سے 11شہروں کو بھیجا گیا

بھارت بائیوٹیک کا کویکسن ٹیکہ حیدرآباد سے 11شہروں کو بھیجا گیا

حیدرآباد _13 جنوری ( اردو لیکس) حیدرآباد میں تیار کردہ بھارت بائیوٹیک کا کویگزن ٹیکہ کی ریاستوں کو تقسیم کا کام شروع کیاگیا ہے۔آج  صبح تلنگانہ کے دارالحکومت حیدرآباد سے قومی دارالحکومت دہلی کو یہ ٹیکے بذریعہ طیارہ بھیجے گئے اور صبح 9بجے یہ ٹیکے دہلی پہنچ گئے۔دہلی کے بشمول یہ ٹیکے ملک کے 11شہروں کو بھیجے گئے۔دہلی،پٹنہ،لکھنو،چینئی،جئے پور،بنگالورو،وجئے واڑہ،گوہاٹی،پونے،کُرکشیتر،بھونیشورکو یہ ٹیکے بھیجے گئے۔ان میں 38.5لاکھ ڈوز کو مرکز نے خریدا ہے جبکہ تقریبا16.5لاکھ ڈوز بھارت بائیوٹیک نے حکومت کو مفت فراہم کیا ہے۔ایرانڈیا کے طیارہ اے آئی 559کے ذریعہ بدھ کی صبح 6.40بجے تلنگانہ کے دارالحکومت حیدرآباد سے یہ ٹیکے قومی دارالحکومت بھیجے گئے جو تقریبا9بجے دن دہلی کے اندراگاندھی انٹرنیشنل ایرپورٹ پہنچ گئے

Post source : urduleaks