مختلف شعبوں میں نمایاں خدمات انجام دینے والے 27 این آر آئیز کو پرواسی بھارتیہ سمان ایوارڈ دینے کا اعلان _ محمد عرفان علی صدر گیانا بھی شامل

نئی دہلی _ 3 جنوری ( اردولیکس) حکومت ہند نے دنیا کے کئی ممالک میں مقیم سمندر پار ہندوستانیوں کے 27 ممتاز این آر آئیز کو ایوارڈ دینے کا اعلان کیا ہے۔ مرکز نے اعلان کیا ہے کہ 27 NRI مشہور شخصیات کو پرواسی بھارتیہ سمان ایوارڈ دیا جائے گا۔ ان ایوارڈز کے لیے گیانا کے صدر محمد عرفان علی بھی منتخب ہوئے ہیں اس کے علاوہ بھوٹان کے ایک ماہر تعلیم، برونائی کے ایک ڈاکٹر، ایتھوپیا، اسرائیل اور پولینڈ کے سول سوسائٹی کے کارکنوں سمیت 27 افراد کو منتخب کیا گیا ہے۔ انہیں پرواسی بھارتیہ دیوس کنونشن کے حصے کے طور پر صدر کے ایوارڈ سے نوازا جائے گا۔پرواسی بھارتیہ دیوس کنونشن کا 17 واں ایڈیشن 8 سے 10 جنوری کے درمیان اندور، مدھیہ پردیش میں منعقد ہوگا۔حکومت ہند نے کامیابیوں کے اعتراف میں ان ایوارڈز کا اعلان کیا ہے۔

ہندوستانی تارکین وطن ایوارڈ حاصل کرنے والوں میں آسٹریلیا کے جگدیش چننوپتی (سائنس اور ٹیکنالوجی)، بھوٹان کے سنجیو مہتا (تعلیم)، آرٹ اینڈ کلچر میں برازیل کے دلیپ لونڈو، اور ایجوکیشن میں الیگزینڈر ملیکیل شامل ہیں۔ میڈیسن میں برونائی سے جان، کمیونٹی ویلفیئر میں کینیڈا سے ویکنتم ایر لکشمنن، آرٹ اینڈ کلچر میں کروشیا سے جوگندر سنگھ نجار، آئی ٹی میں ڈنمارک سے رام جی پرساد، کمیونٹی ویلفیئر میں ایتھوپیا سے کنن امبالم، کمیونٹی ویلفیئر میں جرمنی سے امل کمار مکھوپادھیائے،  سیاست اور سماجی بہبود میں گیانا سے  محمد عرفان علی، بزنس اینڈ کمیونٹی ویلفیئر میں اسرائیل کی رینا ونود پشکرنا، ایجوکیشن میں جاپان کی مکسودا سرفی شیوٹانی اور میکسیکو کے راجگوپال کو ایجوکیشن میں ایوارڈ دیا جائے گا۔