حیدرآباد لوک سبھا کی بی جے پی امیدوار مادھوی لتا سے گلے ملنا مہنگا پڑا _ خاتون اے ایس آئی کے خلاف کارروائی
حیدرآباد _ 22 اپریل ( اردولیکس ) حیدرآباد سٹی پولیس کمشنر کے سرینواس ریڈی نے سعیدآباد پولیس اسٹیشن کی ایک خاتون اسسٹنٹ سب انسپکٹر اوما دیوی کو سعید آباد میں اپنی انتخابی مہم کے دوران حیدرآباد بی جے پی لوک سبھا (ایم پی) کی امیدوار مادھوی لتا سے ہاتھ ملانے اور گلے ملنے پر معطل کردیا ہے۔
اے ایس آئی اوما دیوی ، بی جے پی امیدوار مادھوی لتا کی مہم کے دوران بندو بست کی ڈیوٹی پر تھی ۔ ایک ویڈیو میں خاتون اے ایس آئی بی جے پی امیدوار کے قریب آتی اور ہاتھ ملانے کے بعد اسے گلے لگاتی نظر آرہی ہے۔
ویڈیو کو سوشل میڈیا پلیٹ فارمز پر اپ لوڈ کیا گیا اور اس نے سینئر پولیس افسران کی توجہ مبذول کرائی جنہوں نے انکوائری کا حکم دیا اور اے ایس آئی کو معطل کر دیا۔
حال ہی میں، حیدرآباد بی جے پی کے ایم پی امیدوار پر بیگم بازار پولیس نے مبینہ طور پر مسلم کمیونٹی کو نشانہ بنانے اور حیدرآباد کی ایک مسجد کی طرف تیر چلانے والے اشارے پر نفرت انگیز تقریر کرنے کے الزام میں مقدمہ درج کیا تھا۔
Assistant Sub Inspector of Saidabad, Hyderabad suspended for hugging Madhavi Latha 🤦♂️ pic.twitter.com/uDvHUBmINl
— Viक़as (@VlKAS_PR0NAM0) April 22, 2024
