وزیر اعظم نریندر مودی کی قیادت میں ہندوستان نئی بلندیوں کو چھو رہا ہے: منوج تیواری
وزیر اعظم نریندر مودی کی قیادت میں ہندوستان نئی بلندیوں کو چھو رہا ہے: منوج تیواری
عوامی جلسہ سے سابق ریاستی صدر وایم پی منوج تیواری کا خطاب
بارہ بنکی:(ابوشحمہ انصاری)بھوجپوری فلم اسٹار و ایم پی منوج تیواری نے پورے ملک میں مودی حکومت کے نو سال مکمل ہونے پر بارہ بنکی کے زیدپور اسمبلی حلقہ کے مسولی چوراہے پر منعقد جلسہ عام سے خطاب کرتے ہوئے بھوجپوری زبان میں ملک میں تبدیلی لانے کی اپیل کی۔ بار بار بی جے پی کی حکومت بنوانے کی اپیل کی۔
مسولی چوراہے پر منعقد جلسہ عام سے خطاب کرتے ہوئے صوبہ دہلی کے سابق ریاستی صدر و ایم پی منوج تیواری نے لودھیشور مہادیو کو خراج عقیدت پیش کرتے ہوئے کہا کہ گزشتہ 9 سالوں میں وزیر اعظم نریندر مودی کی قیادت میں ہمارے ملک نے ہر میدان میں بے مثال ترقی کی ہے۔ پی ایم مودی کی قیادت میں ملک مسلسل نئے ریکارڈ بنا رہا ہے۔ ہماری حکومت نے محروم اور استحصال زدہ لوگوں کو نہ صرف قومی دھارے سے جوڑا ہے بلکہ انہیں با اختیار بھی بنایا ہے۔ آج ہندوستان ترقی کی نئی بلندیوں کو چھو رہا ہے۔ یوپی کی سیاست کو پہلے ذات پرستی کے نام سے جانا جاتا تھا۔ لیکن پی ایم مودی نے ذات پرستی کی سیاست کو ترقی پسندی میں بدل دیا ہے۔ پانچ صدیوں کے طویل انتظار کے بعد وزیر اعظم کے دور حکومت میں ایودھیا میں ایک عظیم الشان رام مندرتعمیر ہو رہا ہے۔
جلسہ عام میں بڑی تعداد میں آنے والی خواتین کے ہاتھوں میں موبائل دیکھ کر ایم پی منوج تیواری نے کہا کہ آج کی سب سے بڑی کامیابی ڈیجیٹل ہے۔ مودی حکومت تبدیلی کے لیے مسلسل کام کر رہی ہے۔ آج 80 کروڑ لوگوں کو مفت راشن اور 12 کروڑ لوگوں کو بیت الخلاء دے کر سب کی عزت افزائی کی ہے۔ جلسہ عام میں ایم پی منوج تیواری نے بھوجپوری گانا گایا جو رام لائے ہیں ، ہم ان کو لائیں گے۔ ہم پہلے ایودھیا سجائیں گے، پھر مہادیو بھی سجائیں گے۔ ہم مہادیو کو بھول نہیں سکتے جنہوں نے ہمیں چمکایا۔ ہم انہیں چمکائیں گے۔ یہ گانا گاکر 2024 میں بی جے پی کو مضبوط کرنے کی لوگوں سے اپیل کی۔
کابینی وزیر جتن پرساد نے کہا کہ 2014 میں اقتدار سنبھالنے کے بعد پی ایم مودی نے ہر پالیسی میں انڈیا فرسٹ کے ریزولوشن کو قائم کیا ہے۔ مرکز میں نریندر مودی کی حکومت کے قیام کے بعد سے ملک میں کئی فلاحی اسکیمیں شروع کی گئی ہیں۔ جن کا فائدہ سماج کے آخری سرے پر بیٹھے شخص کو بھی مل رہا ہے۔ اس کے باوجود اپوزیشن کے لوگ اب بھی نریندر مودی کو ملک کے منتخب وزیر اعظم کے طور پر قبول نہیں کر رہے ہیں۔ آج بھی پوری دنیا پی ایم مودی کو گرو مان رہی ہے۔ عوام سے خطاب کرتے ہوئے کابینی وزیر نے کہا کہ وزیر اعظم مودی کی محنت سے ملک کے لوگ خوش ہیں۔ مودی اور یوگی کے ہاتھ مضبوط ہونے چاہئیں۔ آپ لوگوں کا ساتھ اور تعاون رہا تو مخالفین خاک میں مل جائیں گے۔ انہوں نے عوام سے اپیل کرتے ہوئے کہا کہ بارہ بنکی ضلع کی ترقی کے لیے فنڈز کی کوئی کمی نہیں ہونے دی جائے گی۔ گاؤں اور گھروں تک سڑکیں بنائی جائیں گی۔ کابینہ وزیر نے بتایا کہ حیدرگڑھ تا سلیم پور سڑک کو 2800 کروڑ روپے کی لاگت سے چوڑا کیا جائے گا۔ سلطان پور 24 اوور برج بنایا جائے گا۔
بارہ بنکی کے ایم پی اوپیندر سنگھ راوت نے کہا کہ حکومت کسانوں اور عوام کے لیے مختلف فلاحی اسکیمیں چلا رہی ہے۔ اس سے فائدہ اٹھا کر اچھی کھیتی باڑی کرکے منافع کمایا جا سکتا ہے۔ اس بارے میں انہوں نے کسانوں سے حکومت کی اسکیموں سے فائدہ اٹھانے کی اپیل کی۔ انہوں نے کہا کہ مرکزی اور ریاستی حکومتوں کے تعاون سے پورے ملک میں مویشیوں کو فروغ دینے کے لیے کئی پروگرام چلائے جاتے ہیں۔ریاستی وزیرستیش شرما ، ضلع انچارج ارچنا مشرا ، بی جے پی ضلع صدر ششانک کشمیش ، ضلع پنچایت صدر راج رانی راوت ، ایم ایل اے ساکیندر پرتاپ ورما ، دنیش راوت ، سابق ایم ایل اے شرد اوستھی ، بیجناتھ راوت ، ایم ایل سی انگد کمار سنگھ ، سابق ہم ایل سی پرگووند سنگھ ، امریش راوت ، راج کماری موریہ ، اروند موریہ ، دھرمیندر یادو ، آکاش پانڈے ، چندرشیکھر ورما ، سنجے تیواری ، راجکمار سونی ، ونیت ورما ، نوین راٹھور ، دیوی شنکر سونی ، بھلن ورما پروین مشرا ، اشیش ورما جیسے لوگوں نے خطاب کیا۔
