دکن کمیونٹی ایسوسی ایشن (HDCA) اور حیدرآباد دکن ایلومنائی ایسوسی ایشن آف یورپ (DAAE) کی جانب سے برمنگھم یوکے میں عید ملاپ تقریب

حیدرآباد دکن کمیونٹی ایسوسی ایشن (HDCA) نے دکن ایلومنائی ایسوسی ایشن آف یورپ (DAAE) کے تعاون سے 13 اپریل 2024 کو برمنگھم یوکے کے قلب میں بڑی تعداد میں حیدرآبادی شخصیات کی موجودگی می عید الفطر کا شاندار جشن منایا۔اس تقریب میں برطانیہ کے مختلف شہروں سے 500 مہمانوں نے شرکت کی، یہ تقریب ایچ ڈی سی اے کے چیئرمین ڈاکٹر جعفر قریشی کی سرپرستی میں منعقد ہوئی۔

تقریب کا آغاز محمد سفیان احمد کی سورہ رحمان کی قرأت کلام پاک سے ہوا، پروگرام کی اینکرنگ ڈاکٹر جنید ناصری نے کی اور مہمانوں کا استقبال کیا، اس موقع پرمہوش محی الدین، مریم شفیع، ایمان ناصری اور منہا ناصری نے بھی تلاوت قرآن کی سعادت حاصل کی،جبکہ سیدہ سعدیہ فاطمہ نے نعت پیش کی۔پروگرام کی ایک خاص بات بچوں کا مظاہرہ تھا جس میں فلسطین کی صورتحال پر توجہ مرکوز کی گئی تھی۔ یہ خاکہ سیدہ اسرا نے لکھا، ترتیب دیا اور پیش کیا اور مبین فاطمہ نے اس میں تعاون کیا۔

جبکہ شرکاء میں ماہین، خدیجہ، محمد، عمر، اسفیہ، حاشر، صفیہ، زکریا، کشف اور سیف الدین شامل تھے۔مسٹر احمد محی الدین اور محمد عبدالکلیم نے HDCA کی سرگرمیوں، کامیابیوں اور مستقبل کا وژن پیش کیا۔پروفیسر ڈاکٹر فاروق احمد خان، حیدرآبادی نوجوان نے عید کا پیغام دیا۔ ڈاکٹر جعفر قریشی نے عید ملن پروگرام سے خطاب کرتے ہوئے کمیونٹی کو مضبوط بنانے کا پیغام دیا۔ ڈاکٹر انس محی الدین کی طرف سے فلسطین کے لیے خصوصی دعا کی گئی۔ HDCA اور DAAE نے مشترکہ طور پر ڈاکٹر یوسف الدین شیخ کو بطور آرتھوپیڈک سرجن غزہ میں ان کے عزم اور قابل ستائش کام پر مبارکباد دی۔تقریب کا اختتام HDCA ورکنگ کمیٹی کے تمام ممبران اور اسٹیئرنگ گروپ ممبران اور DAAE بورڈ آف ڈائریکٹرز کے شکریہ کے ساتھ ہوا

جس کی میزبانی مسٹر سیف الرحمن خان نے کی۔تقریب کے اختتام پر اس ایونٹ کے سپانسرز کا خصوصی شکریہ اداکیا گیا۔جس میں الخیر فاؤنڈیشن، ایس آر کے ٹرینڈز، ایس آر کے جیولز، ایکسپرٹ انرجی سلوشنز، امانہ اکاؤنٹنگ فرم شامل ہیں۔