تلنگانہ میں دو دن تک ان اضلاع میں بارش

حیدرآباد _ حیدرآباد کے محکمہ موسمیات نے پیش قیاسی کی ہے کہ آئندہ دو دنوں تک تلنگانہ کے کئی علاقوں میں ہلکی سے درمیانی بارش کا امکان ہے۔ جمعرات سے جمعہ کی صبح تک عادل آباد، کمرم بھیم آصف آباد، منچریال، نرمل، نظام آباد، جگتیال، راجنا سرسلہ  اور کاماریڈی اضلاع میں یہاں اور وہاں موسلا دھار بارش ہوگی۔ اور کئی مقامات پر گرج چمک کے ساتھ بارش کا امکان ہے۔

محکمہ موسمیات نے کہا ہے کہ جمعہ سے ہفتہ کی صبح تک کئی اضلاع میں گرج چمک کے ساتھ بارش کے امکانات ہیں۔ اس سلسلے میں  محکمہ موسمیات نے ایلو الرٹ جاری کر دیا ہے۔ دوسری طرف جمعرات کو آصف آباد میں شدید بارش ریکارڈ کی گئی۔ سرپور (ٹی) میں سب سے زیادہ 11.3 سینٹی میٹر بارش ہوئی۔ عادل آباد، نرمل، جگتیال  کریم نگر، ملوگو، ورنگل، ہنمکنڈہ اور کریم نگر اضلاع میں ہلکی بارش ہوئی۔