پکوان گیس کی قیمت میں بھاری کمی۔ صارفین کو ملے گی راحت
نئی دہلی: مرکزی حکومت نے گیس سلنڈر کی قیمتوں میں کمی کی ہے۔ مودی حکومت نے تمام صارفین کے لیے کھانا پکانے والی گیس کی قیمت میں 200 روپے کی کمی کر دی ہے۔ ساتھ ہی اجولا اسکیم کے استفادہ کنندگان کے لیے 400 روپے کی کمی کی گئی ہے
اس سے 33 کروڑ خاندانوں کو فائدہ ہوگا۔ اس وقت گھریلو کھانا پکانے کے گیس سلنڈر کی قیمت تقریباً 1100 روپے ہے لیکن اب عام صارفین کے لیے یہ 900 روپے کے لگ بھگ ہو گی۔
زیراعظم نریندر مودی کی زیرقیادت منعقدہ کابینہ کا اجلاس میں یہ فیصلہ لیا گیا۔ وزیر اطلاعات و نشریات انوراگ سنگھ ٹھاکر نے میڈیا کو تفصیلات سے واقف کروایا۔ اس موقع پر مرکزی وزیر نے کہا کہ عام پکوان گیس صارفین کے لئے سلنڈر پر دو سو روپے کمی کا فیصلہ کابینہ نے کیا ہے
جبکہ اجولا اسکیم کے تحت صارفین کو سلنڈر پر چارسو روپے کی رعایت دی جائے گی۔ انوراگ سنگھ ٹھاکر نے کہا کہ رکشابندھن کے موقع پر یہ وزیراعظم کی جانب سے ملک کی خواتین کے لئے تحفہ ہے۔
#WATCH | "PM Modi has decided Rs 200 reduction in the price of domestic LPG cylinders, for all users…this is a gift from PM Narendra Modi, to the women of the country, during the occasion of Raksha Bandhan", says Union Minister Anurag Thakur pic.twitter.com/QTy6YB0x4u
— ANI (@ANI) August 29, 2023
