مکیش امبانی نے دبئی میں 1349 کروڑ میں ایک لگژری ولا خریدا
حیدرآباد _ 20 اکتوبر ( اردولیکس ڈیسک) ریلائنس انڈسٹریز کے سربراہ مکیش امبانی، جن کا شمار ہندوستان کے ارب پتی میں ہوتا ہے، پچھلے کچھ عرصے سے بیرون ملک میں جائیدادیں خرید رہے ہیں۔ معلوم ہوا ہے کہ حال ہی میں نیویارک اور دبئی میں مہنگے ترین ولاز خریدے ہیں ۔ بتایا جاتا ہے کہ انہوں نے حال ہی میں دبئی میں ایک اور پرتعیش ولا خریدا ہے۔ انہوں نے دبئی کے علاقے پام جمیرہ میں ساحل سمندر کے ساتھ لگژری ولا خریدا۔
بتایا جاتا ہے کہ اس چشم کشا عمارت کی قیمت تقریباً 1,349 کروڑ روپے (163 ملین ڈالر) ہے۔ یہ دبئی کے پام جمیرہ جزیرے پر واقع ہے۔ بتایا جاتا ہے کہ امبانی نے یہ عمارت گزشتہ ہفتے کویتی تاجر محمد الشایا سے خریدی تھی۔ پام جمیرہ دبئی میں کھجور کے درخت کی شکل میں مصنوعی طور پر ترتیب دیئے گئے جزیروں کا ایک کمپلیکس ہے۔ اس میں سب پرتعیش ولاز ہیں۔
معلوم ہوا ہے کہ مکیش امبانی نے اپنے چھوٹے بیٹے اننت امبانی کے لیے دبئی میں ایک ولا خریدا تھا۔ جس پر 643 کروڑ روپے خرچ کیے اور ایک پرتعیش ولا کے مالک بنے ۔ بتایا گیا کہ یہ دبئی کی تاریخ کی سب سے مہنگی جائیداد تھی۔ لیکن اب 1349 کروڑ کا ایک ولا خرید کر ایک ریکارڈ بنایا ہے
