جموں کشمیر کے 8 اضلاع میں الہدی ایجوکیشنل ٹرسٹ کے دفاتر پر این آئی اے کے دھاوے

نئی دہلی _ 11 اکتوبر ( اردولیکس) نیشنل انویسٹی گیشن ایجنسی (این آئی اے) نے جموں و کشمیر کے  8 اضلاع میں دھاوے کرتے ہوئے  دہشت گردوں کو فنڈ فراہم کرنے کے الزام میں الہدی ایجوکیشنل ٹرسٹ کے دفاتر کا معائنہ کیا۔ بتایا جاتا ہے کہ این آئی اے کو اطلاع ملی  کہ الہدی ایجوکیشنل ٹرسٹ کو عرب ممالک سے حوالا کے ذریعے بڑی رقم مل رہی ہے۔

جس کے پیش نظر این آئی اے نے جموں و کشمیر میں الہدی ایجوکیشنل ٹرسٹ کے دفاتر پر چھاپہ مارا۔ این آئی اے نے راجوری، پونچھ، جموں، سری نگر، پلوامہ، بڈگام، شوپیاں اور بانڈی پورہ اضلاع میں تلاشی لی۔  این آئی اے کو شبہ ہے کہ یہ تعلیمی ٹرسٹ مشتبہ سرگرمیوں میں ملوث ہے اور دہشت گردوں کو فنڈ فراہم کرتا ہے۔ جموں و کشمیر پولیس، سی آر پی ایف اور این آئی اے کے اہلکاروں نے ٹرسٹ کے ارکان کے گھروں کی تلاشی لی۔

میڈیا اطلاعات کے مطابق این آئی اے نے الہدی ایجوکیشنل ٹرسٹ کی شناخت جماعت اسلامی کی فرنٹل یونٹ کے طور پر کی ہے۔  این آئی اے کی ٹیموں نے یہ چھاپے انہیں ملی معلومات کی بنیاد پر کئے۔ تاہم ابھی تک کسی کی گرفتاری کی کوئی اطلاع نہیں ہے۔ اگرچہ حکام نے ان حملوں کی تصدیق کر دی ہے تاہم حکام نے یہ نہیں بتایا کہ کس کو حراست میں لیا گیا ہے