جنرل نیوز

کوروناء دور میں آن لائن تعلیم، محمد مصطفی علی سروری کی نئی کتاب

کوروناء کے دوران زندگی کے ہر شعبہ حیات پر منفی اثرات مرتب ہوئے اور تعلیم کے شعبہ کو بھی اس سے چھوٹ نہیں رہی۔وبائی دور میں آن لائن تعلیم کے موضوع پر مولانا آزاد نیشنل اردو یونیورسٹی کے طلبہ کے تجربات اور تاثرات پر مبنی کتاب زیور طباعت سے آراستہ ہو کر منظر عام پر آچکی ہے۔مولانا آزد نیشنل اردو یونیورسٹی کے محمد مصطفی علی سروری ایسوسی ایٹ پروفیسر شعبہ ترسیل عامہ و صحافت کی جانب سے مرتبہ اس کتاب کو شہر حیدرآباد کے ہدے پبلیکیشنز کی جانب سے شائع کیا گیا ہے۔ 155 صفحات پر مشتمل اس کتاب میں شعبہ ترسیل عامہ و صحافت کے 23 منتخبہ طلباء کے تجربات اور تاثرات کو شامل کیا گیا ہے۔ ان طلباء نے کوروناکے وبائی دور میں کس طرح سے اپنے آن لائن تعلیم کے سلسلے کو جاری رکھا اور اس دوران ان لوگوں کوکس طرح اور مشکلات پیش آئیں۔ اپنی نوعیت کی اس منفرد کتاب کا پیش لفظ پروفیسر محمد محمود ڈین شعبہ تعلیمات و سابق رجسٹرار مولانا آزاد نیشنل اردو یونیورسٹی نے لکھا ہے۔

متعلقہ خبریں

Back to top button