سعودی عرب میں سوشل میڈیا پر توہین آمیز ریمارکس کرنے والے چار ہندوستانی جیل سے آزاد _ وطن واپسی کے منتظر

جدہ _ 17 اکٹوبر ( عرفان محمد) چار ہندوستانی تارکین وطن،جنھیں  سوشل میڈیا پر ایک  مذہب کے خلاف توہین آمیز ریمارکس پوسٹ کرنے پر جیل کی سزا ہوئی تھی انہوں نے سزا مکمل کرلی ہے اور سعودی عرب سے وطن واپسی کے منتظر ہیں۔

 

چار ہندوستانی میں دو کا تعلق اتر پردیش سے اور ہر ایک کا تعلق پنجاب اور بہار سے ہے، جن کی عمریں 30 سال سے کم ہیں – ملک کے جنوبی حصے عسیر  علاقے میں ایک فرم میں کام کر رہے تھے۔ ان میں سے تین نے توہین آمیز ریمارکس کیے جبکہ ایک نے اسے موبائل پر ریکارڈ کیا جو بعد میں سوشل میڈیا پلیٹ فارم پر وائرل ہو گیا ۔

 

پولیس نے چار افراد کو گرفتار کر لیا جنہوں نے اپنے جرم کا اعتراف کر لیا۔ عدالت نے انہیں پانچ ماہ اور پانچ دن کی قید اور ایک ہزار ریال کے جرمانے کے بعد مملکت سے ملک بدر کرنے کی سزا سنائی۔

چار افراد نے دسمبر 2021 میں اپنی جیل کی سزا مکمل کرلی ۔ تاہم، وہ جرمانے کی رقم ادا کرنے میں ناکام رہے کیونکہ ان کے پاس کوئی رقم نہیں تھی  ذرائع کے مطابق اس کے نتیجے میں وہ اصل سزا  سے زیادہ وقت گزار رہے ہیں۔

 

ذرائع نے مزید بتایا کہ مقامی سعودی حکام نے ان مالی صورتحال کی وضاحت کرتے ہوئے قیدیوں کی حالت کے بارے میں اعلیٰ حکام کو آگاہ کیا اور حال ہی میں صرف جرمانے کی رقم معاف کی گئی اور اس طرح وہ جیل سے آزاد ہو گئے۔ کچھ تارکین وطن، جو سوشل میڈیا کے ماہر ہیں، سعودی عرب کے قوانین کی خلاف ورزی کرتے ہوئے مصیبت میں پڑ جاتے ہیں۔ماضی میں، ایک واٹس ایپ گروپ میں ایک تبصرے کی وجہ سے ایک ہندوستانی کی گرفتاری ہوئی جو مشرقی صوبے میں تقریباً ایک سال جیل کی سلاخوں کے پیچھے گزارنے کے بعد رہا ہوا تھا وہ ایک سینئر مینجمنٹ ایگزیکٹو تھا۔