پاکستان کے سابق وزیراعظم عمران خان پر فائرنگ

حیدرآباد_ 3 نومبر ( اردو لیکس ڈیسک ) پاکستان کے سابق وزیراعظم عمران خان بال بال  بچ گئے ہیں۔ حملہ آوروں نے جمعرات کو ان کی ریلی پر فائرنگ کی۔ فائرنگ صوبہ پنجاب کے شہر وزیر آباد میں ظفر علی خان چوک پر نکالی گئی ریلی میں ہوئی۔ فائرنگ سے چار افراد زخمی ہوگئے۔ پولیس نے فائرنگ کرنے والے کو گرفتار کر لیا۔

معلوم ہوا ہے کہ عمران خان معمولی زخمی ہوئے ہیں عمران خان کی ٹانگ زخمی ہو گئی۔ ایسا لگتا ہے کہ حملہ آور نے قریب سے فائرنگ کی۔ عمران خان کے ساتھ ان کے سیکریٹری راشد، سابق گورنر سندھ عمران اسماعیل، پی ٹی آئی رہنما فیصل جاوید اور دیگر زخمی ہوئے۔ اس واقعہ کے بعد مقامی پولیس حکام کو چوکنا کردیا گیا۔

زخمیوں کو علاج کے لیے قریبی اسپتالوں میں منتقل کر دیا گیا۔ ویڈیو فوٹیج اس بات کی تصدیق کرتی ہے کہ فائرنگ کے بعد عمران خان کو بلٹ پروف گاڑی میں موقع پر لے جایا گیا۔ اس سے پہلے وہ اوپن ٹاپ گاڑی میں سفر کر رہے تھے ۔