تلنگانہ

عادل آباد میں سوشیل میڈیا پر حضور اکرم ﷺ کی شان میں گستاخی _ مسلمانوں کا پولیس اسٹیشن کے سامنے احتجاج _ مقدمہ درج

خضر یافعی کی رپورٹ 

عادل آباد _ تلنگانہ کے عادل آباد شہر میں ایک  غیر مسلم نوجوان نے سوشل میڈیا پر حضور اقدس صلی اللہ علیہ وسلم کی شان میں گستاخی کی ۔اس گستاخ نے اپنے سیل فون اسٹاٹس پر گستاخانہ کلمات پوسٹ کرتے ہوئے دل آزاری کی جس پر مسلمانوں نے برہمی کا اظہار کرتے ہوئے ون ٹاؤن پولیس اسٹیشن پر جمع ہوکر گستاخ رسول کے خلاف سخت کارروائی کا مطالبہ کیا ۔

اس دوران عوام اور پولیس کے درمیان ہلکی سی کشیدگی دیکھی گئی ۔ ضلع ایس پی نے ون ٹاؤن پولیس اسٹیشن پہنچ کر حالات کو قابو میں کرنے کی کوشش کی ۔ مشتعل عوام کو منتشر کرنے پولیس کی جانب سے لاٹھی چارج بھی کیا گیا ۔ تاہم مسلم سیاسی قائدین نے پولیس پر دباؤ بناتے ہوئے خاطی کے خلاف کیس درج رجسٹر کرنے کا مطالبہ کیا ۔

یس پی نے حالات کو دیکھتے ہوئے کیس درج رجسٹر کرتے ہوئے ایف آئی آر کاپی مسلم سیاسی قائدین کے حوالے کی۔واضح رہے کہ فل حال حالات قابو میں ہے ۔ مسلم سیاسی قائدین نے مسلمانوں اور نوجوانوں سے اپیل کی ہے کہ امن کی برقراری میں اہم کردار ادا کریں۔ پولیس خاطی کے خلاف سخت کارروائی کرتے ہوئے ممکنہ کارروائی میں جٹ گئی ہے

مزید حالات کو قابو میں رکھنے کے لئے پولیس کی جانب سے ون ٹاؤن پولیس اسٹیشن حدود میں پولیس کی بھاری جمعیت تعینات کردی گئی ہے ۔ پولیس کی جانب سے بھی افواہوں پر دھیان نہ دینے اور امن کی برقراری میں اہم رول ادا کرنے کی اپیل کی گئی ہے ۔

متعلقہ خبریں

Back to top button