کریم نگر میں سالار گولڈ کپ کرکٹ ٹورنامنٹ جلد انعقاد _ ایم آئی ایم صدر کریم نگر سید غلام احمد حسین  

کریم نگر، 25 اکتوبر:( پریس ریلیز) سید غلام احمد حسین صدر ٹاون مجلس اتحاد المسلمین نے سرپنچ کرکٹ ٹورنمنٹ میں شرکت کرتے ہوئے کہا کہ ترقی کے معاملے میں کریم نگر شہر ایک سمارٹ سٹی کے طور پر ہر طرح سے آگے ہے لیکن شہر میں کھلاڑیوں کو شدید مسائل کا سامنا ہے اور شہر کے کھلاڑیوں کی سہولت کے لئے کم از کم 15ایکڑ زمین شہر کے ارد گرد 10 کلومیٹر کے فاصلے پر کشادہ کھیل کا میدان ریاستی حکومت کے قائدین سے مطالبہ کیا ۔ غلام احمد حسین نے بدھ کے روز کریم نگر دیہی منڈل کے مضافاتی علاقہ بومکل میں مقامی سرپنچ پوروملا سرینواس کی طرف سے منعقدہ سرپنچ کپ کرکٹ ٹورنامنٹ میں شرکت کی۔ اس موقع پر کرکٹ شائقین اور کھلاڑیوں نے غلام احمد سے اپیل کی کہ شہر میں کرکٹ ٹورنامنٹس کے مستقل انتظام کے لیے بڑے پیمانے پر کھیل کا میدان ہونا چاہیے ۔

غلام احمد حسین نے تیقن دیا اور ۔ انہوں نے کہا کہ وہ کھلاڑیوں کو درپیش مسائل کو ریاستی وزیر گنگولا کملاکر، پلاننگ بورڈ کے وائس چیئرمین بوئن پلی ونود کمار اور میئر سنیل راؤ کے نوٹس میں لائیں گے اور کھلاڑیوں کے مسائل کو حل کرنے کے لیے کام کریں گے۔ انہوں نے کہا کہ شہر کے ہاکی گراؤنڈ اور سرکس گراؤنڈ کو پارکوں میں تبدیل کر دیا گیا ہے اور امبیڈکر سٹیڈیم ہونے کے باوجود ہر قسم کے کھلاڑیوں بالخصوص کرکٹ کے انتظامات کو بہت سی رکاوٹوں کا سامنا ہے اور انہیں اجازت نامے نہیں مل رہے ہیں۔ جس کی وجہ سے کھلاڑی بے چین اور بے صبری کا شکار ہیں۔

انہوں نے کہا کہ شہر میں کھیلوں کےانعقاد کے لیے کوئی کشادہ کھیل کا میدان نہیں ہے، اور یہ بات وزیر گنگولا اور پلاننگ بورڈ کے وائس چیئرمین ونود کمار کے نوٹس میں لائی جائے گی کہ وہ آس پاس کے مضافاتی علاقوں میں بڑے پیمانے پر سرکاری اراضی کو اکٹھا کریں اور کریم نگر کو ایک کھیلوں کا مرکز شہر بنائے۔ غلام احمد نے بومکل سرپنچ پوروملا سرینواس کو مبارکباد دی جنہوں نے حالیہ دنوں میں کرکٹ کو ایک نئی تحریک دی ہے، نوجوانوں کے خود اعتمادی کو دوگنا کیا ہے اور سرپنچ کپ سے کھلاڑیوں میں جوش و خروش پیدا ہوا ہے ان کے قائد حیدرآباد کے ایم پی بیرسٹر اسد الدین اویسی کے حکم کے مطابق وہ جلد ہی سالار گولڈ کپ کرکٹ ٹورنامنٹ کے انعقاد کا اعلان کریں گے

۔ اس موقع پر سرپنچ سرینواس، کرکٹ آرگنائزر غلام احمد حسین، ایم آئی ایم کے جوائنٹ سکریٹری سابق کرکٹر سید معیز الدین قادری اور رئیل اسٹیٹ ایسوسی ایشن کے صدر پرویز شاخان کو شال سے نوازا گیا۔ پروگرام میں رئیل اسٹیٹ ایسوسی ایشن کے صدر پرویز شاہ خان، مسلم جے اے سی لیڈر منیب الدین، عظمت علی، وارڈ ممبران واجد علی، اشتیاق جموں، شاہنواز، کرکٹ آرگنائزر ریاض، معصوم خان، رشید اور دیگر موجود تھے