تیندوے کو دیکھ کر لوگ اس کے ساتھ کھیلنے لگے، کچھ نے لی سیلفیاں۔ ایک نوجوان تو جنگلی جانور پر ہی سوار ہو گیا: عجیب و غریب واقعہ کا ویڈیو وائرل
نئی دہلی: تیندوے کو دیکھ کر لوگ خوفزدہ ہو جاتے ہیں لیکن مدھیہ پردیش کے دیواس ضلع میں لوگ تیندوے پر سوار ہو کر سیلفیاں لینے لگے اور اس کے ساتھ کھیلتے نظر آئے، آپ کو یہ پڑھ کر قدرے عجیب محسوس ہوا ہوگا لیکن یہ حقیقت ہے۔
دیواس ضلع کی تونک کھرد تحصیل کے پیپلرواں تھانے میں مشہور ماں بجاسانی ماتا مندر کے قریب ایک تیندوا دیکھا گیا۔ منگل کی دوپہر تقریباً دو بجے گاؤں والوں نے تیندوے کو دیکھا۔ ایسا لگتا تھا کہ تیندوا بیمار ہے جس کے بعد گاؤں والوں کی بھیڑ نے اسے پکڑ لیا اس دوران گاؤں کے کچھ لوگ اس تیندوے پر سوار بھی ہو گئے
تاہم اس دوران تیندووں نے کسی پر حملہ نہیں کیا۔ گاؤں والوں کو دیکھ کر بھی تیندوا پرسکون رہا، اس نے کسی پر حملہ نہیں کیا تاہم ہجوم میں موجود کچھ لوگوں نے تیندوے کے نظر آنے کی اطلاع محکمہ جنگلات کی ٹیم کو دی۔ اطلاع ملتے ہی محکمہ جنگلات کی ٹیم موقع پر پہنچ گئی اور تیندوے کو گاؤں والوں کے چنگل سے بچایا۔
محکمہ جنگلات کے عملے نے اسے بے ہوش کیے بغیر پنجرے میں بند کر دیا۔ محکمہ جنگلات کے حکام نے بھی تصدیق کی ہے کہ تیندوا شاید بیمار ہے جس کی وجہ سے اس نے گاؤں والوں پر حملہ نہیں کیا۔
معاملے کی جانکاری دیتے ہوئے ایس ڈی او سنتوش شکلا نے بتایا کہ تیندوے کا رویہ بعض اوقات ایسا ہوتا ہے شاید وہ بیمار ہوگا یا اس نے بیمار جانور کا گوشت کھایا ہوگا۔
Rescue operation underway by forest officials in Madhya Pradesh’s Iklera village after a leopard was found by locals in a dazed state. pic.twitter.com/Op5d4wrhem
— Upendrra Rai (@UpendrraRai) August 30, 2023
A rare footage of a young leopard in the wild. Villagers taking him for granted. Said to an ill animal yet the ignorant villagers seen playing with fire.
Video is claimed to be from near Indore forests. pic.twitter.com/CHL93U3WXU— Abhilash Khandekar (@Abhikhandekar1) August 29, 2023
