حیدرآباد شہر میں پیر کی شام طوفانی بارش _ گھنٹوں ٹریفک جام، گھروں سے باہر نہ نکلیں : کمشنر جی ایچ ایم سی کی اپیل
حیدرآباد _ پیر کی شام حیدرآباد میں دھواں دھار بارش ہوئی۔ تقریباً آدھے گھنٹے تک جاری رہنے والی طوفانی بارش نے شہر کے کئی علاقوں کو زیر آب کردیا۔ حیدرآباد کی سڑکیں بارش کی وجہ سے تالاب میں تبدیل ہو گئی ہیں۔ گرج چمک کے ساتھ موسلادھار بارش کے باعث بارش پانی سڑکوں پر آگیا۔ جس کی وجہ سے شدید ٹریفک جام ہوگیا۔ سڑکوں پر کئی کلومیٹر تک گاڑیاں پھنس گئیں ۔ موٹر سائیکل سواروں کو شدید پریشانی کا سامنا ہے۔ تیز بارش سے شہر کے نشیبی علاقے زیر آب آگئے۔ جی ایچ ایم سی اور ڈی آر ایف کی ٹیم شہر کے مختلف علاقوں میں سڑکوں سے پانی کی نکاسی کررہے ہیں
The water level is slowly coming down now with the rain. #HyderabadRains #Hyderabad pic.twitter.com/vDzn8yOuV5
— Varun (@Varun_Pandula) July 24, 2023
نشیبی علاقوں میں لوگوں کو محفوظ مقامات پر منتقل کرنے کے علاوہ سڑکوں پر بہت زیادہ جمع ہونے والے بارش کے پانی کو صاف کرنے کے لیے امدادی اقدامات کیے گئے ہیں۔ شدید بارش کے پیش نظر شہریوں کو اہم ہدایات دی گئیں۔ لوگوں کو مشورہ دیا گیا ہے کہ جب تک ضروری کام نہ ہو گھروں سے باہر نہ نکلیں۔ دفاتر سے گھر جانے والوں کو بارش کم ہونے کے بعد باہر نکلنے کا مشورہ دیا گیا ہے۔ مدد کے لیے 040-21111111، 9000113667 نمبروں پر رابطہ کیا جائے
@Hyderabadrains #hyderabadrain Borabanda pic.twitter.com/5uv6ZymM9F
— Md Saif uddin (@MdSaifuddin123) July 24, 2023