ایل کے اڈوانی کو بھارت رتن _ وزیراعظم مودی نے دی اطلاع
نئی دہلی، 03 فروری (اردولیکس ڈیسک) بی جے پی کے سینئر لیڈر اور سابق نائب وزیر اعظم لال کرشن اڈوانی کو ملک کے اعلی ترین شہری اعزاز بھارت رتن سے نوازا جائے گا۔ وزیر اعظم نریندر مودی نے آج سوشل میڈیا سائٹ ایکس پر یہ اطلاع دی۔
وزیراعظم نریندر مودی نے لکھا کہ ” مجھے یہ بتاتے ہوئے بہت خوشی محسوس ہو رہی ہے کہ مسٹر لال کرشن اڈوانی جی کو بھارت رتن سے نوازا جائے گا۔ میں نے ان سے بھی بات کی اور انہیں اس اعزاز سے نوازے جانے پر مبارکباد دی۔ ہمارے دور کے سب سے معزز سیاست دانوں میں سے ایک ، ہندوستان کی ترقی میں ان کا تعاون نا قابل فراموش ہے۔ ان کی زندگی زمینی سطح پر کام کرنے سے شروع ہو کر ہمارے نائب وزیر اعظم کے طور پر ملک کی خدمت کرنے تک ہے۔ انہوں نے ہمارے وزیر داخلہ اور وزیر اطلاعات و نشریات کے طور پر بھی اپنی شناخت بنائی۔ ان کی پارلیمانی مداخلت ہمیشہ مثالی رہی ہے۔
اس فیصلے پر خوشی کا اظہار کرتے ہوئے بی جے پی کے سابق صدر اور مرکزی وزیر نتن گڈکری نے کہا کہ ملک کے سینئر لیڈر اور ہمارے رہنما، محترم لال کرشن اڈوانی جی کو بھارت رتن کا اعلان بہت خوشگوار اور مسرت بخش ہے۔ اڈوانی جی نےآزادی کے بعد ملک کی تعمیر نو میں اہم کردار ادا کیا ہے۔
आज देश ने अपने एक महान सपूत, पूर्व उप-प्रधानमंत्री लालकृष्ण आडवाणी जी को भारत रत्न देने का भी निर्णय लिया है: PM @narendramodi pic.twitter.com/1YjHcWYJav
— PMO India (@PMOIndia) February 3, 2024
