عادل آباد شہر میں ریپڈ ایکشن فورس کا مارچ _ ضلع ایس پی ادے کمار ریڈی نے لیا جائزہ

عادل آباد۔19/جنوری(اردو لیکس)ضلع ایس پی عادل آباد ادے کمار ریڈی نے بتایا کہ ریپڈ ایکشن فورس فورس نے اپنی سرگرمیاں شروع کردی ہیں۔جمعرات کو انہوں نے عادل آباد کے ون ٹاؤن پولیس اسٹیشن میں ایکشن فورسز سے ملاقات کی اور ون ٹاؤن پولیس اسٹیشن حدود میں مارچ  کا انعقاد کیا۔

بعد ازاں حیدرآباد 91 ویں ریپڈ ایکشن بٹالین 80 اہلکاروں،ضلع ایس پی ادے کمار ریڈی،ایڈیشنل ایس پی ایڈمنسٹریشن سرینواس راؤ،ٹاؤن ڈی ایس پی وی اومیندر، آر اے ایف ڈی ایس پی ششانک نے مل کر عادل آباد ون ٹاؤن پولیس اسٹیشن سے ریلی کا آغاز کیا اور ونائکا چوک، مسعود چوک،خانہ پور تک ریلی نکالی۔یہ بوکل گوڑہ مسجد، ہنومان مندر،گورنمنٹ ہائی اسکول،جونیئر کالج سے ہوتے ہوئے ون ٹاؤن پولیس اسٹیشن پر اختتام پذیر ہوئی

۔خانہ پور بوکل گڈا کالونی میں ایک ریلی کے طور پر آنے والی مرکزی فورسز کا استقبال کرنے کے لیے مقامی لوگوں نے پھولوں کی پتیاں نچھاور کیں۔عادل آباد گورنمنٹ ہائی اسکول بوکل گوڑہ اور جونیئر کالجس کے طلبہ کو مختلف اہم مسائل سے واقف کروایا گیا۔جیسے کہ ریپڈ ایکشن فورس کب اپنے فرائض انجام دیتی ہے، فرقہ وارانہ فسادات کی صورت میں کیا فیصلہ لینا چاہئے، لوگوں کو کس طرح عمل کرنا چاہئے،خواتین کا کردار وغیرہ۔ ریپڈ ایکشن فورس، اور عوام کے لیے ہر وقت پولیس کی دستیابی۔اسی طرح ضلع ایس پی نے بتایا کہ ریپڈ ایکشن فورس فورس کی پریڈ آج سے اس ماہ کی 24 تاریخ تک عادل آباد شہر اور اوٹنور،نیراڈی گونڈہ،جینتھ اور ایچوڈا میں ایک ہفتہ تک جاری رہے گی۔