ملعون راجہ سنگھ حادثہ میں بال بال بچ گیا

حیدرآباد _ 9 فروری ( اردولیکس) بی جے پی سے معطل رکن اسمبلی ملعون راجہ  سنگھ حادثہ میں بال بال بچ گیا ۔ وہ جس بلٹ پروف گاڑی میں سفر کر رہا تھا اس کا ٹائر گاڑی سے الگ ہو گیا۔ راجہ سنگھ اسمبلی اجلاس میں شرکت کے بعد گھر جا رہا تھا کہ حیدرآباد کے دھول پیٹ ایکسائز آفس کے سامنے بلٹ پروف گاڑی کا ٹائر اچانک نکل گیا۔بتایا جاتا ہے کہ گاڑی کی رفتار کم ہونے کی وجہ سے بڑا حادثہ ٹل گیا۔راجہ سنگھ کی گاڑی پہلے بھی کئی بار سڑک پر رک چکی ہے۔

آج کے واقعہ پر ملعون راجہ  سنگھ نے افسوس کا اظہار کیا کہ حکومت نے اس کی سیکورٹی کو نظر انداز کیا ہے حالانکہ وہ کچھ عرصے سے حکومت سے بلٹ پروف گاڑی کو تبدیل کرنے کی درخواست کر رہا ہے ۔ اس  نے حکومت سے اپنی بلٹ پروف گاڑی واپس لینے کا مطالبہ کیا۔