تلنگانہ کے نلگنڈہ ضلع میں لاری اور آٹو کے تصادم میں ایک ہی خاندان کے 5 افراد ہلاک

نلگنڈہ _ تلنگانہ کے ضلع نلگنڈہ میں پیش آئے سڑک حادثہ میں ایک ہی خاندان کے 5افراد ہلاک ہوگئے۔یہ حادثہ ضلع کے نڈامارومنڈل کے ویمپاڈ اسٹیج قومی شاہراہ 186کے قریب صبح کی اولین ساعتوں میں اُس وقت پیش آیاجب ٹینکر کے ڈرائیور کو کہر کے سبب راستہ نظرنہیں آیا اور اس نے گاڑی کا توازن کھودیا اور یہ ٹینکر مخالف سمت سے آنے والے ٹاٹاایس آٹوسے ٹکراگیا

۔ اس حادثہ کے وقت آٹو میں سات افراد سوار تھے جن میں سے تین موقع پر ہی ہلاک ہوگئے جبکہ دوکی علاج کے دوران اسپتال میں موت ہوگئی۔مزید چارافراد کی حالت تشویشناک بتائی جاتی ہے۔ مقامی افرادکی اطلاع پر پولیس موقع پر پہنچ گئی۔ مرنے والوں کی شناخت کیشولو، گنیا، ناگاراجو، پانڈو اور بوجی کے طور پر کی گئی ہے۔ بتایا جاتا ہے کہ سڑک حادثہ میں مرنے والے خاندان کے رکن کے دیدار کے لئے جانے کے دوران یہ حادثہ پیش آیا