جرائم و حادثات
معصوم بچی کے ساتھ دست درازی ۔ حیدرآباد کے پرانے شہر میں دکاندار گرفتار
حیدرآباد: ایک دکاندار کو حیدرآباد کی مغل پورہ پولیس نےدس سالہ لڑکی سے دست درازی کے الزام میں گرفتار کیا۔ پولیس کے مطابق متاثرہ لڑکی محمد عبدالرزاق نامی دکاندار کی دکان پر سجاوٹ کا سامان خریدنے گئی تھی کہ ملزم نے اسے دکان میں بلایا اور بدتمیزی کی۔
لڑکی نے گھر جانے کے بعد والدین کو واقعہ کی اطلاع دی ارکان خاندان پولیس سے رجوع ہوئے اور مقدمہ درج کرلیا گیا۔ مغل پورہ کے انسپکٹر اے شیوا کمار نے کہا کہ کل رات ملزم کو گرفتارکر کے عدالتی تحویل میں دے دیا گیا۔
