تلنگانہ۔ جون کے پہلے ہفتہ میں مانسون ہوگا سرگرم

حیدرآباد۔ جنوب مغربی مانسون جون کے پہلے ہفتہ میں تلنگانہ میں داخل ہوگا۔ محکمہ موسمیات کے مطابق مانسون اس ماہ کے اواخر تک کیرالہ کے ساحل سے ٹکرائے گا اور وہاں سے تلنگانہ پہنچنے میں کم از کم پانچ سے چھ دن درکار ہوتے ہیں۔

امکان ہے کہ آئندہ ماہ کی 5 تا 8 تاریخ کے درمیان مانسون ریاست میں سرگرم ہوجائے گا۔ ماہرین موسمیات کا خیال ہے کہ اگر کچھ تاخیر بھی ممکن ہے تاہم جون کے دوسرے ہفتے میں اس کی ریاست بھر میں توسیع کے امکانات ہیں ۔ پچھلے سال مانسون 11 جون کو کیرالہ کے شاحل‌سے ٹکرایا تھا۔

سمندروں کی سطح کا درجہ حرارت اور موسمیاتی تبدیلیاں مثبت ہیں، اس لیے توقع ہے کہ جاریہ سال جنوب مغربی مانسون کے دوران معمول کے مطابق بارش ہوگی۔