ایجوکیشن

مانو فاصلاتی امتحان فارم کے ادخال کی آخری تاریخ میں توسیع

حیدرآباد،10 جون (پریس نوٹ) مولانا آزاد نیشنل اُردو یونیورسٹی ، نظامت فاصلاتی تعلیم کے تحت بیک لاگ پرچوںکے امتحان فارم داخل کرنے کی آخری تاریخ میں 12 جون تک توسیع کی گئی ہے۔ پہلے یہ 9 جون تھی۔ یونیورسٹی یوجی، پی جی، ڈپلوما (سالانہ) اور سرٹیفکیٹ کورسز کے طلبہ کو بیک لاگ پرچوں کی امتحان فیس سے پہلے ہی استثنیٰ دیدیا گیا ہے۔

پروفیسر محمد رضاءاللہ خان، ڈائرکٹر کے بموجب2018اور 2019 کے سالانہ بیچ (یو جی، پی جی، ڈپلوما ) اور سرٹیفکیٹ کورسز کے طلبہ کو اس سال بیک لاگ فارم پُر کرنے کی ضرورت نہیں ہے۔ کیونکہ ان کا ڈاٹا پورٹل پر از خود اپڈیٹ ہوجائے گا۔ 2017 اور اس سے پہلے کے بیچوں کے لیے بیک لاگ امتحان فارم پہلے سے موجودmanual طریقہ کار کے مطابق ہی بھرنا ہوگا۔ امپرومنٹ امتحان تحریر کرنے کے خواہاں طلبہ کویو جی کورسز کے لیے500 روپے فی پرچہ جبکہ پی جی کورسز کے لیے 750 روپے فی پرچہ فیس ادا کرنی ہوگی۔ مزید تفصیلات کے لیے متعلقہ ریجنل سنٹر‘ ذیلی ریجنل سنٹر اور لرنر سپورٹ سنٹر کے کوآرڈنیٹر سے رابطہ کریں۔

متعلقہ خبریں

Back to top button