حیدرآباد کے حمایت ساگر پراجیکٹ کے دو گیٹ کھول دئے گئے
حیدرآباد _ حیدرآباد کے مضافات میں جڑواں آبی ذخائر عثمان ساگر اورحمایت ساگر میں سیلابی پانی تیزی سے داخل ہو رہا ہے ۔ جس کے پیش نظر میں حمایت ساگر کے 2 گیٹس کو 2 فٹ اٹھا کر نیچے کی طرف پانی چھوڑا جا رہا ہے۔ محکمہ آبپاشی کے حکام نے بتایا کہ ان دو دروازوں سے 700 کیوسک پانی نیچے کی طرف چھوڑا جا رہا ہے۔
حمایت ساگر کے دروازے اٹھائے جانے سے موسی ندی کے بہاؤ میں اضافہ ہوگا۔ جس کی وجہ سے حکام نے موسی کیچمنٹ ایریا اور نشیبی علاقوں کے لوگوں کو الرٹ کر دیا۔ حمایت ساگر میں 1200 کیوسک پانی داخل ہورہا ہے۔ حمایت ساگر کی مکمل آبی سطح 1763.50 فٹ ہے اور موجودہ پانی کی سطح 1762.20 فٹ ہے۔ عثمان ساگر میں 1100 کیوسک پانی داخل ہورہا ہے۔ عثمان ساگر میں پانی کی مکمل سطح 1790 فٹ تھی اور اس وقت یہ 1784.70 فٹ تک پہنچ گیا ہے۔
Osman Sagar, Himayat Sagar Gates Lifted Today As Rainfall Continues,The Water Board Officials Will Raise The 2 Gates Of Osman Sagar (Gandipet) Reservoir And 2 Gates Of Himayat Sagar Up To One Foot Each To Release The Flood Water Into The Musi River. @Hyderabadrains @iramprojects pic.twitter.com/LlvVAu8AJH
— Reporter shabaz baba (@ShabazBaba) July 21, 2023
