تلنگانہ کے ویمل واڈہ میں ڈبل بیڈ روم مکانات کے معائنے کے دوران بڑا حادثہ ٹل گیا
آصف علی سعادت سرسلہ
ویمل واڈہ کے رکنِ اسمبلی اور سرکاری وِہپ آدی سرینواس اور سرسلہ انچارج کلکٹر گریمہ اگروال زیرِ تعمیر ڈبل بیڈ روم مکانات کے معائنے کے دوران ایک ممکنہ بڑے حادثے سے محفوظ رہے۔
موصولہ اطلاعات کے مطابق، ویمل واڈہ میونسپل حدود میں جاری تعمیراتی کاموں کا جائزہ لیتے وقت آدی سرینواس اور کلکٹر گریمہ اگروال کے ساتھ متعلقہ محکموں کے اعلیٰ افسران اور مقامی رہنما بھی موجود تھے۔
معائنے کے دوران، جب وفد زیرِ تعمیر بیسمنٹ کے فرش پر کھڑا تھا، تو اچانک فرش کا ایک حصہ دھنس گیا، جس کے باعث چند لمحوں کے لیے خوف و ہراس پیدا ہوگیا۔ موقع پر موجود عملے اور قائدین نے فوری ہوشیاری کا مظاہرہ کرتے ہوئے وِپ آدی سرینواس اور کلکٹر گریمہ اگروال کو محفوظ مقام پر منتقل کیا، جس سے ایک بڑا حادثہ ٹل گیا۔
ذرائع کے مطابق، واقعے کے بعد تعمیراتی معیار اور حفاظتی اقدامات کے حوالے سے متعلقہ محکموں کو سخت ہدایات دی گئی ہیں تاکہ آئندہ ایسے واقعات سے بچا جا سکے اور خصوصی احتیاط برتی جائے۔
