مریض کے جسم میں سرجیکل بلیڈ بھول جانے والا ڈاکٹر معطل

امراوتی: ریاست آندھرا پردیش کاکیناڈا ضلع کے تُنی میں واقع سرکاری ایریا ہاسپٹل میں آپریشن کے دوران لاپرواہی برتنے والے ڈاکٹر اور نرس کو معطل کردیا گیا۔آرتھوپیڈک ڈاکٹر ستیہ ساگر اور اسٹاف نرس پدماؤتی کو اس وجہ سے معطل کر دیا

 

 

گیا کہ انہوں نے سرجری کے دوران سرجیکل بلیڈ مریض کے جسم کے اندر ہی چھوڑ دی تھی۔واقعہ کی شکایت موصول ہونے کے بعد وزیرِ صحت ستیہ کمار یادَو نے فوری تحقیقات کا حکم دیا اور ہدایت دی کہ ڈیوٹی میں لاپرواہی کرنے والوں کو

 

 

معطل کیا جائے۔سڑک حادثے میں زخمی ہونے والے ایک نوجوان کا حال ہی میں کاکینا ڈا ایریا ہاسپٹل میں ڈاکٹر ستیہ ساگر نے آپریشن کیا تھا۔ آپریشن کے بعد نوجوان کو شدید درد ہونے پر ایکسرے کیا گیا تو معلوم ہوا کہ بلیڈ جسم کے اندر

 

 

ہی موجود ہے۔ ریاستی وزیر نے اس سنگین غفلت پر برہمی کا اظہار کرتے ہوئے فوری انکوائری کے احکامات جاری کیے۔ ہاسپٹل کے سپرنٹنڈنٹ نے واقعہ کی تفتیش کرکے اپنی رپورٹ وزیر کو پیش کی۔ رپورٹ میں ڈاکٹر ستیہ ساگر اور نرس

 

 

پدماؤتی کو آپریشن کے دوران غیر ذمہ دارانہ رویہ کا مرتکب قرار دیا گیا جس کے بعد دونوں کے خلاف تادیبی کارروائی کی گئی۔وزیرِ صحت نے خبردار کیا کہ اگر ڈاکٹر اپنی ڈیوٹی میں چوکس اور محتاط نہ رہیں

 

 

تو ان کے خلاف سخت کارروائی کی جائے گی۔