مجلس چیرٹیز ایجوکیشنل اینڈ ریلیف ٹرسٹ کی تعلیمی خدمات کے 20 سال مکمل — 3 لاکھ 70 ہزار طلبہ مستفید، 9 کروڑ 60 لاکھ روپے سے زائد خرچ

مجلس چیرٹیز ایجوکیشنل اینڈ ریلیف ٹرسٹ نے تعلیمی خدمات کے بیس سال مکمل کر لئے، گزشتہ دو دہائیوں سے ٹرسٹ مستحق طلبہ میں ایجوکیشن کٹس، گائیڈ سیٹس، دسویں جماعت کے طلبہ کی امتحانی فیس کی ادائیگی اور سالارِ ملت آل اِن ون ماڈل پیپر کی فراہمی کا سلسلہ جاری رکھے ہوئے ہے،

 

91 اردو میڈیم ہائی اسکولوں کے طلبہ ان سہولتوں سے فائدہ اٹھا رہے ہیں جبکہ حیدرآباد و سکندرآباد کے آٹھ اسمبلی حلقے چندرائن گٹہ، چارمینار، بہادرپورہ، یاقوت پورہ، ملک پیٹ، کاروان، نامپلی اور گوشہ محل اس پروگرام کے تحت شامل ہیں

 

، دریں اثنا دارالسلام میں سالارِ ملت ماڈل پیپر سیریز کی تقسیم بھی عمل میں آئی جس میں سینکڑوں طلبہ میں تعلیمی کٹس اور دسویں جماعت کے طلبہ میں آل ان ون گائیڈ تقسیم کی گئی

 

جس میں صدر مجلس و رکن پارلیمنٹ حیدرآباد بیرسٹر اسدالدین اویسی نے طلبہ سے خطاب کیا، سال 2005 سے 2025 تک تعلیمی اسکیموں پر 9,60,40,223 روپے خرچ کئے گئے اور مجموعی طور پر 3,70,693 طلبہ مستفید ہو چکے ہیں۔