وقارآباد میں وقف قبرستان کی زمین پر قبضہ کی سازش ناکام – اسپیکر اسمبلی کی ہدایت پر وقف بورڈ اور ضلع انتظامیہ کی بروقت کارروائی
وقارآباد میں وقف قبرستان کی زمین پر قبضہ کی سازش ناکام،
اسپیکر اسمبلی کی ہدایت پر وقف بورڈ اور ضلع انتظامیہ کی بروقت کارروائی!
تلنگانہ کے شیوا ریڈی پیٹ، وقارآباد میں واقع وقف قبرستان (سروے نمبر 46) کی 962 مربع گز اراضی پر غیر قانونی فروخت کا سنگین معاملہ بے نقاب ہو گیا۔ اسپیکر تیلنگانہ اسمبلی مسٹر گڈم پرساد کمار کی ہدایت پر ضلع انتظامیہ اور وقف بورڈ نے فوری کارروائی کرتے ہوئے قبرستان کا مشترکہ سروے مکمل کر لیا۔
اطلاعات کے مطابق وقف قبرستان کی قیمتی زمین کو مبینہ طور پر غیر مجاز افراد نے منظم سازش کے تحت غیر قانونی طور پر فروخت کر دیا تھا۔ اس سلسلے میں محلہ کے عوام اور انتظامی کمیٹی جامع مسجد شیوا ریڈی پیٹ نے وقف بورڈ تلنگانہ کے چیف ایگزیکٹو آفیسر جناب اسد اللہ سے ملاقات کرتے ہوئے تحریری شکایت پیش کی تھی۔
شکایت کا سنجیدہ نوٹ لیتے ہوئے سی ای او وقف بورڈ جناب اسد اللہ نے وقف انسپیکٹر جناب حسن شریف کو فوری طور پر موقع کا معائنہ کرنے اور قانونی کارروائی کی ہدایت دی۔ ادھر انتظامی کمیٹی کی نمائندگی پر اسپیکر تیلنگانہ اسمبلی مسٹر گڈم پرساد کمار نے کلیکٹر وقارآباد، ڈی ایس پی اور سی ای او وقف بورڈ کو وقف قبرستان کے معاملے میں فوری اور مؤثر کارروائی کی واضح ہدایات دیں۔
اسپیکر کی ہدایات پر عمل کرتے ہوئے کلیکٹر وقارآباد اور سی ای او وقف بورڈ کی نگرانی میں 20 دسمبر بروز ہفتہ صبح 11 بجے وقف انسپیکٹر حسن شریف، منڈل آفس کے ذمہ داران اور وقف بورڈ کے سرویئر جناب میر علی حمزہ نے قبرستان کا مشترکہ طور پر تفصیلی سروے کیا اور زمینی صورتحال کا باریک بینی سے جائزہ لیا۔ سروے کے دوران غیر قانونی فروخت سے متعلق اہم حقائق سامنے آئے، جس پر متعلقہ محکموں نے ملوث افراد کے خلاف سخت قانونی کارروائی کی یقین دہانی کرائی۔
سروے کے موقع پر انتظامی کمیٹی جامع مسجد شیوا ریڈی پیٹ نے میونسپل کمشنر مسٹر ذاکر حسین، سب رجسٹرار اور ایم آر او وقارآباد سے ملاقات کرتے ہوئے معاملے کی مکمل تفصیلات پیش کیں اور وقف زمین کی غیر قانونی خرید و فروخت میں ملوث عناصر کے خلاف سخت کارروائی کا مطالبہ کیا۔
اس موقع پر جناب محمد فخرالدین، جناب محمد ہاشم حسین، سماجی کارکن جناب محمد قادر، جناب محمد شریف، سابق کارپوریٹر و نمائندہ مجلس جناب محمد نظیر حسین، جناب قاضی محمد عبدالقادر (صحافی) سمیت دیگر معززین موجود تھے۔
انتظامی کمیٹی اور مقامی عوام نے وقف بورڈ اور ضلعی انتظامیہ سے مطالبہ کیا ہے کہ وقف قبرستان کی زمین کو فوری طور پر محفوظ بنایا جائے اور اس مقدس امانت کے تحفظ کے لیے ملوث افراد کے خلاف سخت ترین قانونی کارروائی عمل میں لائی جائے۔
آخر میں انتظامی کمیٹی نے کامیاب نمائندگی اور بروقت کارروائی پر اسپیکر تیلنگانہ اسمبلی مسٹر گڈم پرساد کمار، کلیکٹر وقارآباد اور سی ای او وقف بورڈ جناب اسد اللہ سے اظہارِ تشکر کیا۔
اس کو ایک اچھی خبر بنا کر اس میں کچھ غلطی ہو تو برائے کرم درست فرمائے
