سعودی عرب حادثہ تلنگانہ کے زائرین کی تفصیلات حاصل کرنے چیف منسٹر کی ہدایت، کنٹرول روم قائم ۔ ان فون نمبرات پر کیا جاسکتا ہے رابطہ

حیدرآباد ۔ سعودی عرب میں ہونے والے ہولناک سڑک حادثے میں جان بحق ہونے والوں میں تلنگانہ ریاست سے تعلق رکھنے والے کئی افراد کے بھی شامل ہونے کی خبروں پر ریاست کے چیف منسٹر ریونت ریڈی نے گہرے رنج و غم کا اظہار کیا ہے۔

 

 

وزیرِ اعلیٰ کی ہدایات پر ریاستی حکومت کے چیف سیکریٹری کے رانا کرشنا راؤ نے آج نئی دہلی میں مقیم ریزیڈنٹ کمشنر اور وزارتِ خارجہ ہند کے حکام سے بات چیت کرتے ہوئے ہدایت دی کہ حادثے میں جان بحق ہونے والوں کی تفصیلات فوری طور پر حاصل کی جائیں اور ان کے لواحقین کو ہر ممکن مدد فراہم کی جائے۔

 

 

چیف سیکریٹری نے بتایا کہ سعودی عرب میں پیش آئے اس خوفناک بس حادثے سے متعلق معلومات اور امداد کے لیے ریاستی سیکرٹریٹ میں خصوصی کنٹرول روم قائم کیا گیا ہے۔ متاثرہ خاندانوں کو ضروری معلومات اور تعاون فراہم کرنے کے لیے درج ذیل نمبروں پر رابطہ کرنے کی ہدایت کی گئی ہے