تلنگانہ میں کانگریس نے کھول دیا کھاتہ _ کھمم سے رگھو رام ریڈی کی ریکارڈ اکثریت کامیابی

حافظ جواد احمد 

کھمم  _ 4 جون ( اردولیکس) تلنگانہ میں کانگریس پارٹی نے اپنا پہلا کھاتہ کھول دیا ہے اس پارٹی کے  امیدوار رگھو رام ریڈی نےکھمم پارلیمانی حلقہ سے ریکارڈ سطح کی جیت حاصل کرلی۔

رگھو رام ریڈی نے بی آر ایس امیدوار ناما وینکشور راو کو تقریبا ساڑھے چار لاکھ ووٹوں کی اکثریت سے شکست دے دی۔کانگریس امیدوار نے 7 لاکھ 35 ہزار سے زائد ووٹ حاصل کئے۔ جبکہ بی آر ایس امیدوار کو 2 لاکھ 90 ہزار ووٹ ملے۔

تلنگانہ میں لوک سبھا انتخابات کے ووٹوں کی گنتی کا عمل جاری ہے۔ بی جے پی اور کانگریس کے درمیان سخت مقابلہ دیکھا جا رہا ہے، یہ دونوں جماعتیں آٹھ آٹھ نشستوں پر آگے چل رہی تھی جس میں کھمم میں کانگریس نے کامیابی حاصل کرلی۔

جبکہ ایک نشست پر مجلس اتحاد المسلمین کو برتری حاصل ہے۔ اب تک ہوئے راؤنڈز میں سے کسی بھی راونڈ میں بی آر ایس کو اکثریت نظر نہیں ارہی ہے۔ واضح رہے کہ تلنگانہ میں پارلیمنٹ کی 17 نشستیں ہیں۔