شہر نظام آباد میں اے ٹی ایم کو لوٹنے کی کوشش
شہر نظام آباد میں واقع چندر شیکھر کالونی ایس بی آئی بینک کے اے ٹی ایم کو نامعلوم سارقوں نے لوٹنے کی کوشش کی۔ کمشنر پولیس پی سائی چیتنیا نے سارقوں کی گرفتاری کیلئے پولیس عہدیداروں کو ہدایت دی
نظام آباد:19/ اگست (اردو لیکس) تلنگانہ کے شہر نظام آباد میں واقع IIIٹاؤن پولیس اسٹیشن کے حدود میں چندر شیکھر کالونی میں واقع ایس بی آئی بینک کے اے ٹی ایم کو نامعلوم سارقوں نے گیس کٹر کے ذریعہ کے لوٹنے کی کوشش کی
۔ تاہم فوری طور پر انتباہی پیغام(الرٹ مسیج) ملنے پر IIIٹاؤن پولیس موقع واردات پر پہنچ گئی۔ اس دوران سارقین ایکو ویان میں سوار ہوکر پالدہ موضع کے مضافات میں ویان کو چھوڑ کر راہ فرار اختیار کی۔ پولیس کمشنر نظام آباد پی سائی چیتنیا نے اے ٹی ایم سنٹر کے جائے واردات کا معائنہ کیا۔
پولیس کمشنر نے سرکل انسپکٹر سرینواس راجو کو ضروری ہدایت دی اور مجرموں کو جلداز جلد گرفتار کرنے کے احکامات دئیے۔ علاوہ ازیں انہوں نے اس کیس کی تحقیقات کے لئے کلوز ٹیم اور سی سی ایس ٹیم کے عہدیداروں کو ضروری ہدایت دی۔
