ووٹ ڈالنے کیلئے آنے والے دو افراد کی موت۔ عادل آباد میں واقعہ

عادل آباد: ووٹ دینے کے لیے آنے والے دو افراد کی موت ہو گئی۔ یہ واقعہ ریاست تلنگانہ کے ضلع عادل آباد مستقر میں پیش آیا۔

تفصیلات کے مطابق موضع موالا سے تعلق رکھنے والی 78 سالہ گنگماں ووٹ ڈالنے کے لیے پولنگ بوتھ کے قریب پہنچی تھی کہ دورے پڑنے کی وجہ سے وہ گر پڑی اسے ریمس ہاسپٹل لے جایا گیا تب تک اس کی موت ہو چکی تھی

اسی طرح مستقر عادل آباد کے علاقہ بھوکتا پور سے تعلق رکھنے والا 65 سالہ راجنہ ووٹ ڈالنے کے لیے قطار میں کھڑا ہوا تھا کہ اچانک غش کھا کر گر پڑا اسے بھی ریمس ہاسپٹل لے جایا گیا جہاں علاج کے دوران اس کی موت ہو گئی۔