حیدرآباد میں ایرٹیل کمپنی نے 5G خدمات کا آغاز کردیا

ایرٹیل کمپنی نے حیدرآباد میں 5G خدمات کا آغاز کردیا ۔ 5G خدمات شہر کے کئی اہم علاقوں کے ساتھ ساتھ میٹرو ریل، ریلوے اسٹیشنوں اور بس ٹرمینلز جیسے ٹرانسپورٹ ہب میں بھی دستیاب کرائی گئی ہیں۔ بیگم پیٹ، بیگم پیٹ میٹرو اسٹیشن میں ایرٹیل کے دفتر میں 5G نیٹ ورک خدمات پر عوام کو ایک ڈیمو دیا گیا۔ جس سے یہ معلوم ہوا کہ تمام 5G سمارٹ فونز کے ذریعے الٹرا فاسٹ نیٹ ورک تک رسائی حاصل کی جا سکتی ہے۔

کمپنی کے نمائندوں نے کہا کہ سکندرآباد، کاچی گوڈہ ریلوے اسٹیشن اور ایم جی بی ایس ہائی اسپیڈ نیٹ ورک کے قریب 5 جی پلس خدمات کا لطف اٹھایا جاسکتا ہے۔ چارمینار، بیگم پیٹ،بنجارہ ہلز، جوبلی ہلز ،ویسٹرن سٹی، ہائی ٹیک سٹی، گچی باولی، بوئن پلی، کومپلی، اپل، ناگول جیسے کئی علاقوں کے لوگ بھی Airtel 5G نیٹ ورک استعمال کر سکتے ہیں۔ واضح کیا گیا ہے کہ آنے والے دنوں میں شہر بھر میں 5G خدمات کی توسیع کی جائے گی۔