نعت پاک

محمد زاہد رضابنارسی

دارالعلوم حبیبیہ رضویہ گوپی گنج بھدوہی

لبوں پہ ذکرِ محمد ﷺکا جام آئے تو

نصیب جاگ اٹھے پیاس کام آئے تو

 

درود پڑھتے ہوئے میں مدینہ جاؤں گا

میرے حضور کا پہلے پیام آئے تو

 

نظر میں میری مناظر ہوں حسنِ طیبہ کے

مری حیات میں اک ایسی شام آئے تو

 

ادب سے چوم کے قدموں کو دھوکے پی لونگا

مرے نبی کا مرے گھر غلام آئے تو

 

نبی کو دیکھ کے عاصی کہیں گے محشر میں

بچانے کے لیے خیر الانام آئے تو

 

ادب کے ساتھ اے لوگو درود پڑھ لینا

مرے نبیءمکرم کا نام آئے تو

 

بچانے دینِ پیمبرکی جان کربل میں

مدینہ چھوڑ کے عالی مقام آئے تو

 

کہاحسین کے شش ماہ کے مجاہد نے

مرا لہو بھی خدا دیں کے کام آئے تو

 

زمیں کا عرش معلٰی ہے جس جگہ "زاہد”

خدا شکر ہے بہر سلام آئے تو