کمزور، خواتین اور طلباء کی حفاظت کے لیے عادل آباد شی ٹیم سرگرم ۔ ضلع ایس پی کا بیان

کمزور، خواتین اور طلباء کی حفاظت کے لیے عادل آباد شی ٹیم سرگرم ۔ ضلع ایس پی کا بیان

 

عادل آباد ضلع کی پولیس شی ٹیم خواتین، طالبات اور کمزور افراد کی حفاظت کے لئے اپنی خدمات مزید موثر بنانے میں مصروف ہے

 

۔ضلع ایس پی اکھل مہاجن، آئی پی ایس نے اپنے ایک صحافتی بیان میں کہا ہے کہ کسی بھی ہنگامی صورتِ حال میں فوری طور پر شی ٹیم سے رابطہ کیا جائے تاکہ بروقت مدد فراہم کی جا سکے۔انہوں نے بتایا کہ شی ٹیم نے مئی کے مہینے میں ضلع کے 114 دیہاتوں کا دورہ کیا اور وہاں مختلف آگاہی پروگرام منعقد کیے۔ ان پروگراموں کا مقصد خواتین اور طلباء کو ہراسانی اور دیگر مسائل سے محفوظ رکھنے کے بارے میں آگاہ کرنا ہے۔

 

اسی دوران مئی میں 13 کاؤنسلنگ سیشنز کیے گئے جبکہ 5 ایف آئی آر اور 6 مقدمات درج کر کے متاثرین کی مدد کی گئی۔عادل آباد شی ٹیم کی جانب سے ٹاؤن میں بھی 14 خصوصی آگاہی پروگرام منعقد کیے گئے جن میں خواتین کو ہنگامی حالات میں جرائم سے نمٹنے کے طریقہ کار سے آگاہ کیا گیا۔ ضلع میں ماہرین کی ایک خصوصی ٹیم تشکیل دی گئی ہے جو کسی بھی قسم کی ہراسانی کی صورت میں خواتین کی فوری مدد کے لئے دستیاب ہے

 

۔ایس پی نے بتایا کہ خواتین اور طالبات جو کسی بھی قسم کی ہراسانی، چاہے وہ اسکول، کالج، کام کی جگہ یا سوشل میڈیا کے ذریعے ہو، کی شکار ہوں، وہ بلا جھجھک شی ٹیم سے رابطہ کریں۔ خصوصاً جو خواتین واٹس ایپ یا دیگر آن لائن ذرائع سے ہراساں ہو رہی ہیں،

 

ان کے لئے شی ٹیم مدد کے لیے موجود ہے۔ہنگامی صورتِ حال میں فوری رابطے کے لئے فون نمبر 8712659953 پر کال کی جا سکتی ہے۔عادل آباد شی ٹیم کا یہ قدم ضلع بھر میں خواتین اور کمزور طبقات کو تحفظ فراہم کرنے میں ایک اہم پیش رفت تصور کیا جا رہا ہے۔