اجیت اگرکر ٹیم انڈیا کے نئے چیف سلیکٹر مقرر

حیدرآباد _ 4 جولائی ( اردولیکس) ٹیم انڈیا کے سابق کھلاڑی اجیت اگرکر کو بی سی سی آئی کے چیف سلیکٹر کے طور پر مقرر  کیا گیا ہے۔ بی سی سی آئی نے ٹویٹر پر اس کا اعلان کیا۔ چیف سلیکٹر کا عہدہ فروری 2023 سے خالی پڑا ہے جب چیتن شرما ایک نیوز چینل کے ذریعہ ان پر کیے گئے اسٹنگ آپریشن کے نتیجے میں ریٹائر ہوگئے تھے۔

جس کے پیش نظر بی سی سی آئی نے اس عہدے کو 45 سالہ اگرکر کے ساتھ تبدیل کیا ہے۔ اگرکر شیو سندر داس، سلیل انکولا، سبراتو بنرجی اور ایس سرتھ پر مشتمل ہندوستانی  انتخابی پینل میں چیف سلیکٹر کے طور پر کام کریں گے۔

اگرکر 2007 کے T20 ورلڈ کپ جیتنے والی ٹیم میں اہم گیند باز تھے۔ 45 سالہ اگرکر نے 26 ٹیسٹ، 191 ون ڈے اور 4 ٹی ٹوئنٹی میچز کھیلے ہیں۔ انہوں نے ٹیسٹ میں 58 اور ون ڈے میں 288 وکٹیں حاصل کیں۔ آئی پی ایل میں 42 میچ کھیلنے والے اگرکر نے 29 وکٹیں حاصل کیں۔