صدر جمہوریہ ہند دروپدی مرمو کا پیغام عید

نئی دہلی۔ صدر جمہوریہ ہند دروپدی مرمو نے عید الاضحیٰ کے موقع پر شہریوں کو مبارکباد دی ہے۔اپنے پیغام میں صدر جمہوریہ ہند نے کہا ’’عید الاضحیٰ کے موقع پر، میں تمام ساتھی شہریوں اور بیرون ملک ہندوستانیوں

خاص کر اپنے مسلمان بھائیوں اور بہنوں کو دل کی گہرائیوں سے مبارکباد اور نیک خواہشات پیش کرتی ہوں۔عید الاضحیٰ  کا مقدس تہوار ایثار اور قربانی کی علامت ہے۔ یہ محبت، بھائی چارے اور سماجی ہم آہنگی کا پیغام دیتا ہے۔ یہ تہوار ہمیں انسانیت کی بے لوث خدمت کی ترغیب فراہم کرتا ہے۔

اس موقع پر، آئیے ہم مل کر اپنی قوم کی ترقی اور بہبود کے لیے کام کرنے کا عہد کریں۔