تحفظ ختم نبوت ٹرسٹ نظام آباد کے زیر اہتمام عظمت صحابہ کرام رضی اللہ عنھم اجمعین کوئیز برائے طلباء طالبات 15ستمبر کو انعقاد _ کامیابی حاصل کرنے والوں کو نقد انعامی رقومات
مولانا مفتی سعید اکبر کاصحافتی بیان
نظام آباد 10 /اگست (نیوز اینڈ ویوز میڈیا سروس)مفتی سعید اکبرصدر تحفظ ختم نبوت ٹرسٹ نظام آباد نے ایک صحافتی بیان جاری کرتے ہوئے بتایا کہ اس پرفتن دور جہاں میں دیگر ارتدادی فتنوں کی جانب سے اہل ایمان کے دلوں سے اسلام وایمان کی عظمت نکال کر مرتد بنانے کی ہمہ جہت کوشش کر رہے ہیں وہی پر مسلم نئی نسل صحابہ کرام رضوان اللہ علیہم اجمعین کی عظمت اور انکے مقام سے ناواقفیت کی وجہ سے ارتدادی مشن کا شکار ہو رہے ہیں اسی وجہ سے امت کے نونہالوں، طلباء و طالبات کو ارتدادی فتنوں کی جانب سے ہونے والی کوششوں سے محفوظ رکھنے کے لئے تحفظ ختم نبوت ٹرسٹ کی جانب سے سر زمین نظام آباد میں پہلی مرتبہ عظمت صحابہ کوئیز کا اسکولس، کالجس میں زیر تعلیم طلباء طالبات
کے لئے انعقاد عمل لایا جارہا ہے مفتی سعید اکبر نے کہا کہ
طلباء و طالبات کے لئے سنہرا موقع کہ اس کے ذریعہ رسول اللہ ﷺکے صحابہ کی عظمت اور انکے ناموس کی آگاہی حاصل کریں انہوں نے بتایا کہ کوئیز مقابلے 15/ستمبر 2024 بروز اتوار صبح 10 بجے تا دوپہر 1 بجے کلاسک فنکشن ہال قلعہ روڈ نظام آباد پر منعقد ہونگے جس میں تین گروپ رہنگے( 1 ) جونئیر گروپ براۓ جماعت دومسے جماعت پنجم کے لئے (2) ہائی اسکول گروپ (
3) انٹرمیڈیٹ و ڈگری گروپ شامل ہیں
جونئیر گروپ میں انعام اول 5000 روپے
انعام دوم 4000 روپے
انعام سوم 3000روپے
ہائی اسکول گروپ
انعام اول۔ 8000 روپے
انعام دوم 7000 روپے
انعام سوم۔ 6000 روپئے
گروپ انٹرمیڈیٹ و ڈگری
انعام اول 11000 روپے
انعام دوم 10000روپے
انعام سوم 9000 روپے
رجسٹریشن فیس
جونئر گروپ معہ کتاب 140 روپے ،ہائی اسکول گروپ 200 روپے
انٹر ڈگری گروپ 250 روپے
رجسٹریشن کی آخری تاریخ 10/ ستمبر 2024 مقرر کی گئی ہے
آن لائن رجسٹریشن کے لئے بار کوڈ اسکین کی سہولت بھی فراہم ہے مجلس تحفظ ختم نبوت کے عہدیداروں
مولانا سید عماد الدین قاسمی(نائب صدر تحفظ ختم نبوت ٹرسٹ )مفتی عظمت اللہ سعید شریعہ بورڈ
حافظ جعفر، عبد الحمید صدیقی، محمد اظہر الدین، عبدالحئی راحل سماجی کارکن نے ضلع نظام آباد کے تمام تعلیمی اداروں کے منتظمین ،والدین سرپرستوں سے اپیل کی وہ طلباء طالبات کوان کوئز مقابلے میں حصہ لینے کے ترغیب دیں اور ان کا رجسٹریشن کروائیں
