این سمن کمار صدر ضلع ٹی این جی اوز ، یم شیکھر سکریٹری ضلع ٹی این جی اوز کی تہنیت
نظام آباد:7/نومبر(اردو لیکس)ضلع نظام آباد میں خدمات انجام دینے والے تمام سرکاری ملازمین کے مسائل کی یکسوئی کے لئے ہر ممکنہ اقدامات روبہ عمل لائے جائینگے ان خیالات کا اظہار نو منتخب بالا مقابلہ ضلع نظام آباد ٹی این جی اوز صدر مسٹر این سمن کمار نے آج شام سید نجیب علی ایڈوکیٹ و سینئر قائد کانگریس کی صدارت میں ان کے دفتر واقع احمدی بازار میں نظام آباد کے مختلف تنظیموں کی جانب سے ان کے اعزاز میں منعقدہ تہنتی تقریب سے خطاب کرتے ہوئے کیا۔
جناب سید نجیب علی ایڈوکیٹ نے این سمن کمار کا معززین شہر و منتخب ملی سماجی و فلاحی تنظیموں کے عہدیداروں کا تعارف کروایا۔اس موقع پر جناب سید نجیب علی ایڈوکیٹ نے کہا کہ این سمن کمار ایک سیکولر نظریات کے حامل شخصیت ہیں۔ انہوں نے بتایا کہ مسٹر این سمن کمار کو ضلع نظام آباد کے دس ہزار سے زائد سرکاری ملازمین نے متفقہ طور پر انہیں ضلع نظام آباد کا ٹی این جی اوز صدر کے طور پر منتخب کیا ہے جو ایک غیر معمولی اقدام ہے۔مسٹر این سمن کمار نے ان کے اعزاز میں تہنتی تقریب منعقد کرنے پر سید نجیب علی ایڈوکیٹ سے اظہار تشکر کیا انہوں نے بتایا کہ نظام آباد سے ان کا تبادلہ ضلع عادل آباد عمل لایا جارہا تھا تاہم ان کے محکمہ سے تعلق رکھنے والی ایک مسلم بہن فرحت النساء نے سمن کمار کو نظام آباد میں خدمات انجام دینے اور انہیں عادل آباد کے لئے تبادلہ کئے جانے کی حکومت سے درخواست کی تھی جس کے باعث وہ نظام آباد میں خدمات دے رہے ہیں۔ انہوں نے کہا کہ اگر فرحت النساء کا تعاون حاصل نہ ہوتا شائد صدر ضلع ٹی این جی اوز کے عہدے پر فائز نہیں ہوسکتے تھے۔
انہوں نے فرحت النساء کے جذبہ ہمدردی کو ناقابل فراموش قرار دیا مسٹر سمن کمار کہا کہ وہ بالحاظ تفریق تمام طبقات سے تعلق رکھنے والے ملازمین کے مسائل کی یکسوئی کے لئے دستیاب رہے گئے۔ اس اجلاس کوضلع جنرل سکریٹری ٹی این جی اوز ایم شیکھر،مولانا کریم الدین کمال صدرِ ملت ویلفر سوسائٹی، محمد وجہہ اللہ جمعیۃ اہلحدیث، خواجہ صفدر علی ریٹائرڈ انجینئر، شیخ حسین جماعت اسلامی، سینئر صحافی محمد یوسف الدین خان،نے بھی اپنے خیالات کا اظہار کرتے ہوئے مسٹر این سمن کمار کو مبارکباد پیش کرتے ہوئے اپنی نیک تمناوں کا اظہار کیا۔ اس تقریب میں ایم اے قیوم این آر آئی وصدر فنکشن ہال اونرس اسوسی ایشن نظام آباد، نثار احمد کلاسک سکریٹری فنکشن ہال اونرس اسوسی ایشن، ڈاکٹر اختر احمد خان سابقہ نوڈا ڈائریکٹر، سید اسد ایڈیٹر آج کا تلنگانہ، محمدافتخار الدین این آر آئی،سمیر احمد زونل صدرکل ہند قومی تنظیم، ایم اے مقیت صدر بی سی مسلم و سابقہ کارپوریٹر، محمد عبد الحلیم قمر، ایم اے قیوم قائد کانگریس، محمد مختار احمدجیپ اونرس اسوسی ایشن، محمد سعد اللہ ہیلتھ ایمپلائز ایسوسی ایشن ،
، عزیز الدین انیس درپلی، محمد یونس، سید مظہر علی ریٹائرڈ انجینئر کے علاوہ مختلف شعبہ حیات سے تعلق رکھنے والوں معززین کی ایک کثیر تعداد نے شرکت کی قبل از سید نجیب علی ایڈوکیٹ نے صدر ضلع ٹی این جی اوز مسٹر این سمن کماراور شیکھر کو جنرل سکریٹری منتخب کئے جانے پر شالپوشی و گلپوشی کرتے ہوئے انہیں تہنیت پیش کی۔ اس موقع پر شیخ حسین جماعت اسلامی نے بزبان تیلگو میں سیرت نبی صلی اللہ علیہ وسلم پر ایک کتاب مطالعہ کے لیے مسٹر سمن کمار کو بطور ہدیہ پیش کیا سمیر احمد نے تمام مہمانوں کا شکریہ ادا کیا۔
