فروری 13 کوکل ہند مرکزی رحمت عالم کمیٹی کی چنچل گوڑہ جونیر کالج گراونڈ پر عظیم الشان تئیسواں مرکزی جلسۂ شب ِ برأت و تحفظِ ختمِ نبوت 

13/فروری کوکل ہند مرکزی رحمت عالم کمیٹی کی چنچل گوڑہ جونیر کالج گراونڈ پر عظیم الشان تئیسواں مرکزی جلسۂ شب ِ برأت و تحفظِ ختمِ نبوت

مہمان مقررین عالمی شہرت یافتہ ممتاز عالم دین ، مفکر اسلام علامہ مفتی محمد ظفر نوری ازہری (گوالیار ) و خطیب یورپ و ایشیاء علامہ مفتی فیض احمد مصباحی (ساوتھ آفریقہ)، علامہ ڈاکٹر سید عبدالمعز حسینی قادری شرفی کا مختصر تعارف

حیدرآباد۔8/فروری2025ء ( راست ) محمد شاہد اقبال قادری (صدر رحمت عالم کمیٹی) ـ و ڈاکٹر عظمت رسول کی اطلاع کے بموجب کل ہند مرکزی رحمت عالم کمیٹی کے زیر اہتمام عظیم الشان تئیسواں مرکزی جلسہ ٔشب ِ برأت و تحفظ ختم نبوت ﷺ کا انعقاد13/ فروری 2025ء بروزجمعرات بعد نمازِ عشاء بمقام : گورنمنٹ جونیر کالج گراؤنڈ چنچل گوڑہ پر عمل میں آئیگا ۔ اس عظیم الشان جلسہ میں پہلے مہمان مقرر کی حیثیت سے تشریف لانے عالمی شہرت یافتہ ممتاز عالم دین ، مفکر اسلام ، خطیب الہند حضرت العلامہ مفتی محمد ظفر نوری ازہری صاحب(بانی و ناظم اعلیٰ تحریک حجاز گوالیار ایم پی) کا شمار ہندوستان کے عظیم اکابر علمائے کرام میں ہوتا ہے آپ نے سند عالمـیت و فضیلت دارالعلوم نوری اندور سے حاصل کی اور تخصص فی الادب و الدعوۃ جامعہ حضرت نظام الدین اولیاء نیو دہلی سے کیا ۔اور جامعہ الازہر الشریف قاہرہ مصر سے تخصص فی الحدیث و تخصص فی الفقہ معھد زمالک قاہرہ مصر سے سند حاصل فرمائی ۔ جامعہ ملیہ اسلامیہ دہلی سے آپ نے ایم ۔ اے کامیاب کیا ۔نیز آپ کو حضور تاج الشریعہ مدظلہ ٗ، حضور شیخ الاسلام مدنی میاں قبلہ ، حضور منانی میاں بریلی شریف و دیگر بزرگوں سے سند ِ خلافت و اجازت حاصل ہے ۔ آپ کی شخصیت خود ایک جامعہ ایک حیثیت رکھتی ہے ۔ جہاں آپ کے شب وروز دین متین کی ترویج و اشاعت میں گذرتے ہیں وہیں کئی کتابوں کے مصنف ہیںاور آپ کے مضامین ملک کے اخبارات و مجلات میں اکثر و بیشتر شائع ہوتے رہتے ہیں ۔ آپ ماہنامہ الحجاز گوالیار کے چیف ایڈیٹر ہونے کے ساتھ ساتھ تحریک حجاز کے گوالیار کے ناظم اعلیٰ بھی ہیں ۔ ہنددوستان کے علاوہ کئی ایک ممالک میں آپ کے فیضانِ خطابت سے ہزارہا لوگ فیضیاب ہوچکے ہیں ۔ کمیٹی کی دعوت پر آپ پہلی بار حیدرآباد دکن تشریف لارہے ہیں جو عاشقانِ رسول ﷺ کیلئے ایک بہترین اعزاز ہوگا ۔ جلسہ کے دوسرے مہمان مقرر عالمی شہرت یافتہ عالم دین ، مفکر اسلام ، خطیب یورپ و ایشیاء ، ناشر مسلکِ اعلیٰ حضرت ، خلیفہ اشرف الفقہاء حضرت العلامہ مفتی فیض احمد مصباحی صاحب (سربراہ اعلیٰ دارالعلوم امام احمد رضا ساؤتھ آفریقہ) کی شخصیت بھی علمی طبقے میں محتاجِ تعارف نہیں ہے ۔ آپ کا شمار اکابر علمائے اہلسنت میں ہوتا ہے ۔ آپ نے جامعۃ الرضویہ دارالعلوم امجدیہ ناگپور سے حفظ قرآن مجدی کی تکمیل فرمائی ۔ قرأت حفص دارالعلوم رضائے رائچور سے سند و دستار حاصل کی نیز ازہر ہند جامعہ اشرفیہ مبارکپور یو پی سے دستار حاصل کی ۔ آپ کے علمی خطابات یوروپ و ایشیاء کے کئی شہروں میں ہوچکے ہیں ۔ آپ کے فیضانِ علمی سے ہزارہا لوگ مستفید ہورہے ہیں ۔ آپ کو حضور اشرالفقہاء علیہ الرحمہ و حضور تاج الشائخ و سلطان العلمائے سے جملہ سلاسل میں خلافت حاصل ہے ۔ ہندوستان کے ساتھ ساتھ آپ ساوتھ آفریقہ میں لاڈیم ، پریٹوریا ، سنچورین ، ڈربن ، بیری اسمتھ ان تمام شہرو ں میں آپ کی سرپرستی میں (۷) ادارے بنام دارالعلوم امام احمد رضا دین کی ترویج و اشاعت کی خدمات انجام دے رہے ہیں ۔ کمیٹی کی دعوت پر آپ بھی پہلی بار حیدرآباد تشریف لارہے ہیں جو ہمارے لئے باعث ِ اعزاز ہوگا ۔ نیز دونوں مہمان مقررین و مقامی مقررین کا شب ِ برأت کی عظمت و فضیلت اور تحفظ ختم نبوت اور مسلمانوں کاکردار پر بصیرت افروز خطاب ہوگا۔ جلسہ کی قیادت پیر طریقت حضرت سید محمد رفیع الدین حسینی رضوی قادری شرفی صاحب ( شرفی چمن ) ، صدارت مولانا سید خلیل اللہ شاہ بابا قادری قدرتی محبوبی صاحب ، سرپرستی مولانا سید محمد شاہ قادری ملتانی صاحب، نگرانی عالیجناب محمد شوکت علی صوفی کرینگے ۔ مہمانان ِ خصوصی کی حیثیت سے مولانا محمد اخلاق اشرفی صاحب (چیرمن ورلڈ قرآنک مشن) ، حکیم ایم اے ساجد قادری ملتانی صاحب (یونانی فزیشین)، عالیجناب افتخار شریف صاحب (حال مقیم امریکہ )، ڈاکٹر حیدر یمنی ، ڈاکٹر مجیب شاہد ، ڈاکٹر محمد عظیم برکاتی (ایڈوکیٹ) ، ڈاکٹر خالد غلام محی الدین قادری ، ڈاکٹر سید قمر قادری ، ڈاکٹر غوث قادری ،جناب سید اعزاز محمد قادری (اعجاز پریس) شرکت کرینگے ۔ کانفرنس کا آغاز حافظ و قاری کلیم الدین حسان کی قرات سے ہوگا ۔ بارگاہِ رسالتمآب ﷺ میں معروف ثناء خوانِ رسول ملک محمد اسمٰعیل علی خاں (گولڈ مڈلسٹ ) ، محمد شفیع رضا قادری ، محمد سیف رضا قادری ، محمد مجاہد رضا ، سید سفیان حسین ، سید نعمان حسین ہدیہ نعت پیش کرینگے ۔ صدر استقبالیہ عالیجناب مرزا نثار احمد بیگ نظامی صاحب ( ایڈوکیٹ سپریم کورٹ) خطبہ استقبالیہ پیش کرینگے ۔ مقامی علماء کرام میں حضرت علامہ ڈاکٹر سید شاہ عبدالمعز حسینی رضوی قادری شرفی (کامل جامعہ نظامیہ)، مولانا حافظ و قاری محمد اقبال احمد رضوی ، مولانا ڈاکٹر محمد عبدالنعیم قادری نظامی ( نائب صدر ) کے بھی خطابات ہونگے ۔ نیز اس کانفرنس میں شب برأت کی اہمیت و فضیلت ٗ تحفظ ختم نبوت ، دورِ حاضر میں اُمت ِمسلمہ کیلئے درپیش چیالنجس اور اس کاحل ، عصر حاضر میں دشمنانِ اسلام کی سازشوں کا سدِ باب ، مسلم معاشرہ کی حفاظت ، نوجوان نسل کے ایمان و عقیدہ کا تحفظ پر مہمان و میزبان مقررین کے بصیرت افروز خطابات ہونگے ۔ نیز عالم اسلام کے مظلوم مسلمانوں کیلئے رقت انگیز دعاء ہوگی ۔ سابقہ کانفرنسوں میں فرزندان توحید کی کثیر تعداد کو دیکھتے ہوئے گورنمنٹ جونیر کالج گراونڈ چنچل گوڑہ پر وسیع تر نشستوں کے خصوصی انتظامات کئے جارہے ہیں ۔ پینے کے پانی اور پارکنگ کی بہتر سہولت رہیگی۔ محمد شاہد اقبال قادری ( صدر رحمت عالم کمیٹی ) نے کہا کہ اس مرکزی جلسہ کو وقت کی اہم ضرورت سمجھتے ہوئے اور دورِ حاضر میں اُمت مسلمہ کو متحد کرنے ، ناموس رسالت ﷺ کے تحفظ اور نماز کی فضیلت و اہمیت ودین متین کی صحیح تعلیمات سے آگاہ کرنے ، انکے ایمان و عقیدہ کے تحفظ کیلئے کمیٹی مسلسل اپنی خدمات میں مصروف ہے ۔ محمد اسلم اشرفی ، محمد عادل اشرفی ، محمد عبدالمنان عارف قادری ، محمد عبید اللہ سعدی قادری شرفی ، سید طاہر حسین قادری نے تمام برادران اسلام سے گذارش کی ہے اس عظیم الشان جلسہ میں کثیر تعداد میں شرکت فرماکر اس جلسہ کو کامیاب بنائیں۔