عادل آباد ضلع ایس پی اکھل مہاجن کا اچانک بیلا پولیس اسٹیشن کا معاینہ

عادل آباد۔17/مئی(اردو لیکس)عادل آباد ضلع ایس پی اکھل مہاجن آئی پی ایس نے کہا کہ ہر ہفتہ گاؤں کا دورہ کر کے عوام کے ساتھ اچھے تعلقات قائم کیے جائیں اور اطلاعاتی نظام کو مضبوط بنایا جائے۔ جمعہ کے روز ضلع ایس پی نے بیلا تھانہ کا دورہ کیا اور اسٹاف کے ساتھ بات چیت کی

 

۔ اس دوران انہوں نے ولیج پولیس آفیسر سسٹم کو مؤثر طریقے سے نافذ کرنے کی ہدایات دیں۔انہوں نے کہا کہ پولیس اسٹیشن پر آنے والی شکایات کو ولیج پولیس آفیسر کے ذریعے درست طریقے سے تحقیقات کروا کر رپورٹ اسٹیشن میں جمع کروائی جائے۔ ایس پی نے مزید کہا کہ ہر ہفتہ مخصوص گاؤں کے دورے کے دوران ولیج پولیس آفیسر کو اطلاع کے نظام کو مضبوط کرنے کی کوشش کرنی چاہیے

 

۔انہوں نے اس بات پر زور دیا کہ گاؤں کی حدود میں غیر قانونی سرگرمیوں جیسے گانجا، مٹکا، گڈمبہ وغیرہ کو کسی صورت بھی انجام نہ دینے دیا جائے۔ کیونکہ عادل آباد کا سرحدی علاقہ مہاراشٹر سے متصل ہے، اس لیے اس قسم کی سرگرمیوں کو روکنے کے لیے سخت نگرانی اور گشت کی ضرورت ہے۔

 

انہوں نے کہا کہ تحصیل کی حدود میں اوپن ڈرنکنگ اور شراب پی کر ڈرائیونگ جیسے غیر قانونی کاموں کو روکنے کے لیے ٹیسٹ کیے جائیں تاکہ حادثات کو کم کیا جا سکے۔

 

ایس پی اکھل مہاجن نے پولیس اہلکاروں کو اپنی ذمہ داریوں میں غفلت نہ برتنے کی تاکید کی اور کہا کہ پولیس اسٹیشن میں درج کیسز کی مکمل تفصیلات کا جائزہ لیتے ہوئے ریکارڈ کو تازہ ترین رکھا جائے تاکہ کسی بھی قسم کی پینڈنسی نہ ہو۔

 

انہوں نے پولیس اہلکاروں کو ہدایت دی کہ وہ ریسپشن پر آنے والے شکایت کنندگان کے ساتھ ادب سے پیش آئیں اور فوری طور پر ان کی شکایات حل کرنے کے لیے عملہ مختص کریں۔ اگر کسی اہلکار کو کسی قسم کی مشکلات پیش آئیں تو وہ فوری طور پر ان کا حل پیش کریں گے۔

 

اس موقع پر عادل آباد ڈی ایس پی ایل جیون ریڈی، جئنتھ سی آئی ڈی سائی ناتھ، بیلا ایس آئی این ناغناتھ اور دیگر عملہ موجود تھا۔