مسجد نبوی میں 25 ہزار قالین، ہر ایک میں الیکٹرانک چپ نصب – “ایس پی اے”

کے این واصف 

مسجد نبوی مین دیکھ ریکھ، خصوصاُ قالینون صفائی کا خصوصی خیال رکھا جاتاہے۔ تاکہ زائرین کو صاف ستھرا ماحول میسر آئے۔ مسجد الحرام اور مسجد نبوی کے دیکھ بھال کے امور کی جنرل اتھارٹی نے ایک حالیہ بیان میں بتایا کہ مسجد نبوی میں قالینوں پرخصوصی توجہ دیتی ہے۔ مسجد میں 25 ہزار سے زیادہ قالین بچھائے گئے ہیں۔

سعودی خبررساں ادارے “ایس پی اے” کے مطابق ان میں 14 ہزار سے زیادہ صحنوں، 6 ہزار 150 راہداریوں اور 5 ہزار 500 قالین مسجد کی چھت پر بچھائے گئے ہیں۔ مسجد نبوی میں بچھائے گئے ہر قالین میں ایک آر ایف آئی ڈی الیکٹرانک چپ نصب ہے جو اس کے ڈیٹا، لوکیشن، اس کے بننے کی تاریخ، واشنگ شیڈول، مسجد اور بیرونی حصوں میں قالینوں کی موومنٹ کو ٹریک کرنے میں مدد کرتی ہے۔ اس سے آپریشنل کارکردگی کو بڑھانے اور خدمات کے معیار کو بہتر بنانے میں مدد ملتی ہے۔

مسجد نبوی میں دن میں 3 مرتبہ قالینوں کی صفائی کی جاتی ہے جبکہ 1600 لیٹر جراثیم کش مواد کا سپرے استعمال کیا جاتا ہے۔ قالینوں کو معطر کرنے کے لیے 200 لیٹ خوشبودار مواد کا استعمال کیا جاتا ہے۔ 150 قالین یومیہ بنیاد پر دھوئے بھی جاتے ہیں۔ یہ تمام اقدامات مسجد نبوی میں زائرین اور نمازیوں کو ایک محفوظ اور روحانی ماحول فراہم کرنے کے حوالے سے اتھارٹی کے عزم کو ظاہر کرتے ہیں ہے۔