سعودی عرب – ایکسپائرڈ وزٹ ویزوں میں توسیع، مملکت سے روانگی کا ایک اور موقع

کے این واصف

سعودی عرب مین بہت سے غیرملکی جو اپنے وزٹ ویزا کے ایکسپائرڈ (غیر کارگرد) ہونے کے باوجود مملکت میں قیام کئے ہوئے ہوتے ہیں۔ یہ ایک غیر قانونی عمل ہے۔

 

سعودی جنرل ڈائریکٹوریٹ آف پاسپورٹ (جوازات) نے تمام اقسام کے ایکسپائرڈ وزٹ ویزوں پر مملکت سے حتمی روانگی کا ایک اور موقع دیا ہے۔مملکت کی خبر رساں ایجنسی “ایس پی اے” کے مطابق ایکسپائرڈ وزٹ ویزوں کی توسیع کے انیشیٹیو کی رعایتی مدت میں 30 دن کے اضافے کا اعلان کیا گیا ہے۔

 

توسیع کا آغاز یکم صفر 1447 (27 اگسٹ 2025) سے ہواہے۔ یہ سعودی قوانین کے مطابق فیس اور جرمانوں کی ادائیگی سے مشروط ہو ہے۔واضح رہے کہ اس سے قبل محکمہ پاسپورٹ نے یکم محرم سے ایک ماہ کی توسیع کا اعلان کیا تھا۔

 

“ایس پی اے” کے مطابق بیان میں کہا گیا توسیعی مدت کے دوران وزارت داخلہ کے ای پلیٹ فارم ابشر پر “تواصل” سروس کے ذریعے درخواست دے کر مخصوص مدت کے اندر اس رعایت سے فائدہ اٹھایا جا سکتا ہے۔

 

بیان میں ان تمام افراد پرزور دیا گیا جن کے ویزے کی مدت ختم ہوچکی ہے وہ مقررہ مدت سے قبل اس سہولت سے فائدہ اٹھائیں۔