گورنر مکہ شہزادہ خالد بن فیصل کی خدمات کے اعتراف میں یادگاری پوسٹل ٹکٹ
کے این واصف
خادم حرمین شریفین ملک سلمان بن عبدالعزیز کے مشیر اور مکہ مکرمہ کے گورنر شہزادہ خالد بن فیصل بن عبدالعزیز کی ثفافتی اور سماجی ترقی کے فروغ میں خدمات کے اعتراف میں یادگاری ڈاک ٹکٹ کے اجرا کا شاہی حکم جاری کیا گیا ہے۔سعودی خبر رساں ایجنسی “ایس پی اے” کے مطابق سعودی پوسٹ نے مکہ مکرمہ گورنریٹ کے تعاون سے ایک یادگاری پوسٹل ٹکٹ جاری کیا ہے۔
یہ اقدام یاد گاری پوسٹل ٹکٹوں کے سلسلے کا ایک حصہ ہے جس میں ممتاز قومی شخصیات کو اجاگر کیا گیا ہے. شہزادہ خالد بن فیصل نے یادگاری ٹکٹ کےاجرا کے لیے شاہی حکم پر شاہ سلمان بن عبدالعزیز کا شکریہ ادا کیا اور کہا کہ یہ اعزاز خدا کے فضل اور خادم حرمین شریفین کی رہنمائی اور تعاون کے بغیر ممکن نہیں تھا۔
انہوں نے ولی عہد شہزدہ محمد بن سلمان کا بھی شکریہ ادا کیا اور دعا کی کہ دانشمندانہ قیادت میں مملکت کی سلامتی اور استحکام کو ہمیشہ برقرار رکھے۔
